A Sociedade Cultural Medulio, organiza este martes, día 14, ás 19.30h no Antigo Hospicio de Ferrol unha palestra a cargo de Anxel Rial e Francisco Rodriguez sobre a represión desatada contra as clases populares da comarca, con asasinatos de mulleres, homes e nenos, por protestar contra a carestía da vida e o imposto de consumos a comezos de marzo de 1918.
Este acto, como outros organizados pola Medulio en Sedes – Narón, teñen como obxectivo recuperar a nosa memoria histórica e preparar, co gallo de se cumprir o centenario de aqueles sucesos o próximo ano, unha adecuada homenaxe aos nosos antepasados, moi en particular ás mulleres, que loitaron, contra todo medo e represión, por termos unha vida digna.
