Galiza continua en queda libre segundo un relatorio publicado hoxe pola Comisión Europea. Trátase dun relatorio (The EU Regional Competitiveness Index 2016) que mide diferentes marcadores de competitividade e innovación. Dun total de 263, malia unha pequena millora do seu posicionamento competitivo (185 no 2010 e 193 no 2013) sitúase agora no posto 181 do Regional Competitiveness Index (RCI), lonxe do 148 de Navarra ou o 83 de Madrid ou 119 do País Vasco, malia estaren estas lonxe dos primeiros postos europeos.
Porén, no Estado só a Comunidade de Madrid (que continua beneficiada polos efectos capitalidade e concentración de poder político) e o País Vasco sitúanse por riba de media da UE en competitividade. Na elaboración deste ranquing a metodoloxia empregada tén en conta factores como a estabilidade económica, a educación, a saúde, a innovación, a eficiencia do mercado laboral e as infraestructura, entre outros indicadores. Alemaña, Holanda, Suecia, Reino Unido e Dinamarca xunguen o maior número de rexións situadas nos primeiros postos.
O Estado español perde competitividade respecto a 2010. O País Valencià cae do 171 ao 184, as Balears do 188 ao 200, Catalunya do 142 ao 153. Ceuta, Melilla e Extremadura aparecen nas derradeiras posicións do ranquing, xunto con Bulgaria e Romenia.Talvez o único punto forte das autonomia sexa o de saúde, medida en termos de resultados ( esperanza de vida saludable, mortalidade infantil e taxas de mortalidade por cáncer, doenzas coronarias,etc).
En preparación tecnolóxica, sofisticación da empresa e innovació acada o posto 179, Galiza baixa ao 181 no marcador institutión, estabilidade macroeconómica, infraestructuras, saúde e educación básica, caendo ao aposto 191 en ensino superior e aprendizaxe ao longo da vida, eficiencia e tamaño do mercado laboral. A posición periférica de Galiza, o envellecemento, a falta de investimento en I+D+I, a continua perda de poboación activa e a precarización do mercado laboral fan dificil que Galiza poda ocupar unha boa posición en moitos dos indicadores medidos.