O escolar de Esteiro foi talvez un dos edificios municipais máis afectados por ventos que chegaron a superar os 135 quilómetros á hora na noite do día 3 de febreiro. Trátase dunha construción que está ao pé da estrada AC-566 e que foi inaugurada no ano 1924.
O Concello de Cedeira acomete estes días as obras de reparación do tellado do escolar de Esteiro que o temporal levou por diante no primeiros días de febreiro. A reposición de tellas e a reconstrución do beiril son as intervencións que máis urxen coa fin de evitar as goteiras que ameazan a planta -con chan de madeira- na que teñen lugar as actividades do Concello e as da Asociación de Veciños e Veciñas de Esteiro, entre outras obradoiros de memoria e ximnasia de mantemento. Os traballos marchan a bo ritmo. A inversión alcanza os 10.000 euros, unha cantidade un pouco superior ás estimacións iniciais e que o goberno municipal espera recuperar a través da compañía aseguradora correspondente.
Ao mellor tamén che interesa:
O Concello de Cedeira calcula en máis de 20.000 euros os danos causados polo temporal