[Pingota Comunicación] O Concello de Cedeira cederá o mércores o salón do plenos para a celebración dunha reunión promovida por un grupo de veciños interesados en mellorar o estado actual que presentan os ríos Condomiñas e Pontigas. A cita dará comezo ás 19.30 horas e está aberta aos interesados. Os convocantes aseguran que se trata dunha primeira toma de contacto para coñecer a resposta real da xente de cara á constitución dunha plataforma ou entidade que, ademais de garantir a conservación dos leitos, os poña en valor para o lecer de veciños e visitantes. Os ríos, segundo as organizacións ecoloxistas, serven para medir o grao de civilización dos países: a máis degradación menos nivel de vida. Os impulsores da reunión confían en que a resposta da veciñanza sexa boa para comezar a traballar na recuperación do Condomiñas e do Pontigas.
Buscan axuda para recuperar os ríos Condomiñas e Pontigas
Author: Redação
Editor e administrador
A presión sobre o Condomiñas é moi grande.
Todo tería que pasar por quitar as naves da Xunqueira e mais as instalacións do concello que é o “punto limpo”. Nada mais que os lixiviados que se aportan ahí fai que o rio vaia moi contaminado. Se se manteñe esas naves no sitio actual todo o que se faga valerá de pouco. Quitar as naves custaría moito pero sería parte importante da solución. Iso non se vai facer.