O Pleno da Real Academia Galega vén de aprobar o nomeamento de dous novos académicos correspondentes. O físico Jorge Mira Pérez e o filólogo cedeirense de nacencia (San Román de Montoxo, 1970) Carlos Xavier Rodríguez Brandeiro, director xeral do Instituto Arxentino-Galego Santiago Apóstolo de Buenos Aires . Brandeiro ten desenvolvido na Arxentina e no Uruguai a súa carreira vital e profesional. Co seu nomeamento a RAB “procura fortalecer a súa rede de embaixadores no exterior cun referente entre as novas xeracións.”
É no Instituto Arxentino Galego da Fundación Galicia-América onde Brandeiro exerce a docencia da lingua desde o ano 2002, onde se foran escolarizando centos de nenos e nenas “seguindo uns plans de estudos con fortes ligazóns con Galicia. É ademais coautor dun libro para a aprendizaxe da lingua galega e dirixe desde 2006 a revista cultural Gavieiro da nosa identidade, editada pola delegación arxentina da Fundación Galicia-América”
Recoñecimento para o noso viciño Carlos, a quen dou os parabéns por estar a reabrir vieiros de galeguidade na Arxentina