O Concello de Cedeira retoma o proxecto co alvo de recuperar patrimonio adquirindo os montes onde está situado o castro, no monte das Croas.
O goberno local, que xa dispón dun estudio arqueolóxico para a realización da obra, trata agora de chegar a un acordo económico cos propietarios dos terreos necesarios para a execución do proxecto. Esta é o obxectivo da reunión que terá lugar hoxe, ás 20.00 horas, na Casa do Concello. Nela, o executivo local trasladará aos 39 propietarios o seu interese por darlle unha utilidade pública a un ben cultural de tanta relevancia e tentará coñecer as pretensións económicas dos propietarios á hora de poñer á venda, chegado o caso, os 8.000 metros cadrados que precisa a intervención, que está firmada polo arqueólogo Emilio Ramil. A concelleira de Cultura María Xosé Rodríguez suliñou a trascendencia do proxecto por canto suporá a recuperación dun moi importante valor patrimonial ademais de garantir a súa protección e que poida ser visitado
O Castro das Croas está entre os castros mellor conservados dos que aínda existen no municipio cedeirés. Nel tamén se encontran os de Alcaiás, Cheda, Magoira e Santamallar de Riba. En ningún deles se fixo intervención arqueolóxica algunha.
Emocióname a hipótese de recuperamos os espazos prehistóricos. Este podería ser o primeiro paso.
Tería, por outra banda, repercusións moi positivas no turismo local tendo en conta, ademais, que hai unha praia a cada lado. Hoxe non deberíamos estar preocupados pola conservación: suponse acondicionado, cun centro de interpretación e vixiado (eses son “protocolos” estandarizados).