Presentación de Terra do Ortegal O Concello de Cedeira colabora coa Asociación Terras do Ortegal, con sede en Ortigueir, para a presentación do terceiro número da revista “Terras do Ortegal”, unha publicación de contido eminentemente cultural. O acto será o próximo xoves, día 3 de novembro, e terá lugar nas instalacións do Palacete Municipal, a partir das oito da tarde. No mesmo intervirán os cronistas oficiais de Cedeira e Ortigueira, Rafael Usero e Carlos Breixo, respectivamente, así como a vogal da entidade que promove a publicación, Vanesa Trevín, e o cura párroco de Santa Marta.