O Desert Trip, festival musical celebrado na cidade de Indio en California, reuniu vellas glorias do rock o pasado fin de semana. Paul McCartney e Neil Young, Bob Dylan e The Rolling Stones, The Who e Roger Waters. E por aí foron decorrendo tres dias de saudade, euforia e reivindicación. Como a do sábado: un abrasivo Neil Young acompañado da súa banda Promise of the Real, apoiou a loita da comunidade nativa de Dakota do Norte contra un oleoducto que podería estragar a auga das súas terras.
https://www.youtube.com/watch?time_continue=1&v=0MEbJw5Sado
O climax de guitarras, bravú e ingobernabel chegou cun “Down by the river” eufórico onde Neil Young engaiolou o público durante máis de 10 minutos. “Vide mañá porque Roger (Waters) erguerá un muro (‘The wall’) e fará Mèxico grande “, afirmou Young, moi crítico con Donald Trump, en referencia aolema da campaña ‘Make America great again’ do polémico candidato republicano. Velaí o abrasivo ‘Rockin’ in the free world’, até facerlle xurar ao publico lealdade eterna ao músico canadiano.
Homenaxe a Lennon
Paul McCartney subiu ao cenario con ‘A hard day’s night’ . Despois caeron ‘Can’t buy me love’ e ‘Day tripper’ cun McMartney brincalleiro. Alternou temas dos The Beatles, Wings e os seus propios. ‘ Let me roll it’ e unha lembranza do Jimi Hendrix coa instrumental ‘Foxy Lady’. ‘I’ve got a feeling’ serviulle para desmelenarse. Porén, quen gañou os favores do público foi “Here today”, en homenaxe a John Lennon.