Xabier Díaz apresentou nas festas de Cedeira, acompañado dos irmáns Álvarez (Gutier e Javier, violino e acordeón) e as doce percusionistas Adufeiras de Salitre (as súas alumnas de canto e percusión ) o seu último disco, The Tambourine Man.
A percusión trouxo a sonora redondeza na que alicerza a tradición musical galega: o repique do pandeiro. Sons e voces que saben a mar e terra e que o público presente na Praza Roxa soubo recoñecer e gorentar con bailado, polavilas, pasodobres e fiadas…Espírito aventureiro na procura da tradición sob fasquía contemporánea.
Xabier Díaz, o noso Mr. Tambourine Man de excepción, tocou unha boa presiña de cancións para acordar os pés dormentes, para rir e xirar danzando fora da praia bretemosa, para lembrarnos que as rimas enroladas da música tradicional moldan as nosas danzas e guian o noso camiño.
