Anunciouno Ana Ponton, que levou esta iniciativado BNG ao Parlamento para suprimir o mailing e estabelecer debates a dobre volta nos meios de comunicación públicos. A medida representaría un aforro para o erario público de dous millóns de euros. No comunicado da formación frontista afírmase que a medida “permitiría reducir en gasto inútil” e “conseguir que a imaxe da carretaxe sexa dunha vez por todas parte do pasado”.
Debates a dobre volta
Alén diso, o BNG propón un debate “a dobre volta” entre as persoas que optarán á presidencia da Xunta.Un debate por semana de campaña, que será novidade no conxunto do Estado. O Bloque taménp proón que debatan as números 1 por cada provincia e que se realicen aínda entrevistas a fondo ás candidatas e candidatos a lideraren o goberno galego.
“O democrático é que haxa debates en horario de máxima audiencia na TVG e non en horario infantil, e tamén invita a reflexionar comprobar como nas últimas convocatorias electorais os medios privados fan máis debates que os públicos”, afirmou Ana Pontón.
As medidas irian orientadas a que os medios públicos, que pagamos entre tod@s, non poden estar ao servizo de Feijóo, senón ao servizo do dereito dos galegos e galegas a estar informados.
