O 27 de febreiro en Compostela baixo o lema “Defendamos o mar”
Unha manifestación convocada a ser secundada polos diferentes sectores do mar para protestar contra as políticas da Xunta de Galiza e contra os recortes nos topes de captura promovidos por Bruxelas e aceptados polos Gobernos galego e de Madrid.
O sector do mar quere expresar o seu rexeitamento aos topes máximos de captura determinados por Bruxelas e aceptados polos Gobernos do PP en Madrid e na Galiza, nun contexto no que Fajardo -presidente da Federación de Confrarías, vén de someterse na mañá do sábado a unha cuestión de confianza na que 62 persoas dun total de 100 asistentes votaron en contra da súa xestión.Porén, malia afimar que de contar con máis do 60% de votos en contra dimitiría, o presidente da Federación viu “superada a proba”.
Fajardo xustificou a decisión de seguir á fronte da entidade advertindo de que o censo se eleva ás 126 persoas e non ás 100 que participaron na Asemblea na que se someteu á cuestión de confianza. As máis das voces critican que continúe no cargo malia suscitar tanto rexeitamento entre Confrarías.
