A Marcha mundial das mulleres convoca concentracións por todo o país para o sábado 13 ás 20:00h.
Unha vez máis a Marcha Mundial das Mulleres volve á rúa para amosar indignación polo asasinato dunha muller por violencia machista. Ana foi asasinada polo seu compañeiro sentimental pagando coa súa vida a discriminación e a desigualdade que padecen todas as mulleres. A coordenadora comarcal de Ferrolterra da Marcha Mundial das Mulleres convoca a sumarse diante do Concello de Ferrol para rexeitar este cruel asasinato e denunciar unha vez máis a violencia machista instalada na nosa sociedade.