A nova “discalzada” xa ten data. O vindeiro 5 de decembro, na explanada do Paseo Marítimo e en colaboración coa Comisión de Festas de San Cosme, a veciñanza e as amigas e amigos da Asociación Cultural Discalz@s polos Festival, temos outra cita coa música de noso. Unha edición de inverno para que nos arda o peito. No cartaz deseñado por Vicente -vocalista de Os Patexos e ilustrador -podedes ler o programa. E, por suposto, xogos e brinquedos para @s discalziñ@s. Unha gorentosa proposta para achegarse a Cedeira a próxima fin de semana.