Através do Proxecto Interuniversitario de investigación que “naceu ao abeiro dos traballos que se realizaron arredor do Ano da Memoria 2006, promovido pola Consellaría de Cultura e Deporte da Xunta de Galicia”.
O castigo de Franco deixou entre a veciñanza de Cedeira 77 represaliados dos que entre 16-30 foron vítimas con resultado de morte (a mesma porcentaxe para penas de prisión en procesos militares que duraban menos dunha hora e sen a máis mínima garantía xurídica), entre 6-15 baixo pena de morte executada (a mesma porcentaxe parte as mortes derivadas da represión paralegal). Estes datos relativos ás persoas represaliadas xa eran de dominio público, mas foron organizados e estruturados por este proxecto de investigación interuniversitario no ano 2006 divulgándose conforme a Lei de Memoria Histórica (artigo 22). Nesa xeira, dado o interese do proxecto consideramos de interese extraer os datos relativos a Cedeira e ofrecer á sociedade cedeirense as persoas que sufriron algún tipo de persecución ou represión franquista, acollendonos a unha licenza CC-BY-NC-SA (que pón a disposición pública os contidos desta web coa obriga de recoñecer os créditos da autoría do material e sempre que non se utilice para a súa explotación comercial).
É unha vergoña que após 40 anos non se teña pedido perdón polos crimes cometidos e que o Estado non fora quen de rendir contas co seu pasado totalitario.
Os cartafoles descoloridos e asinados por xuices militares enviaron a prisión e á morte aos que consideraran contrarios a Franco. Porén, esa persecución non foi só por mor da ideoloxía ou da súa posición favorabel á democracia republicana e ao galeguismo, atinxindo a militantes sociais, sindicais e políticos. Atinxiu á poboación traballadora, labregos e mariñeiros (36.7%), obreiros e artesáns asalariados (36.7%) e tamén ás clases medias e profesionais(25.3%) en xuizos sumarísimos entre 1939 e1945. Alargándose no tempo ao acadar fasquía de xenocidio que foi acentuando a represión sobre toda a población e, nomeadamente, sobre a clase traballadora galega até a Transición. A lei marcial durou até a primavera do 1948 mas na nosa contorna o terror comezou os primeiros dias do golpe militar que, non habendo liña de fronte, se instalou nas redes familiares, no ar que se respiraba. No decreto proclamábase a determinación dos fascistas de punir e castigar a quen “ cegado por su sectarismo incomprensible cometiera acciones u omisiones que acusaran perjuicio a los fines que persigue este movimiento rendentor de nuestra Patria”. E quen non dera apoio explícito ao golpe podía ser executado. Fusilouse a mantenta e a mulleres embarazadas. Entre o 1936 e o 1938, a ditadura reprimeu especialmente a quen tiver participado dun xeito activo no bando respublicano ou por galeguista ( alcaldes, concelleiros, fuxidos,etc ). Entre o 1939 e 45, alargou a represión sobre quen apoiara a Segunda República ou aqueles que foran denunciados como antifranquistas ou funcionarios da administración republicana. O paradoxo foi que os rebeldes, os que se revoltaran contra o goberno lexítimo escollido nas urnas- foron os franquistas. Porén, para o franquismo os “rebeldes” tornaranse os que apoiaran o goberno democrático. A deturpación do sentido das palabras é sempre o comezo da barbárie. Cómpre repararmos na listaxe que aquí extraemos da base de datos “Voces e Nomes” que foi precisamente esa unha das principais acusacions contra as persoas represaliadas: rebelión, adhesión, auxilio ou incitación á rebelión. Acusados de rebelión militar por aqueles que, precisamente, erguéranse en armas contra a Segunda República, un goberno escolleito democráticamente.Unha das cuestións que paira no ar sen resposta é o efecto que tiverons estas condenas en moitas familias. Cómpre reparar que a maoiría dos represaliados teñen entre 18 e 40 anos, sendo o home quen decote achegaba a meirante parte d o salario, non é aventurado afirmarmos que a represión afectou á rede familiar.
O necesario e serodio memorial aos prisioneiros republicanos do “Campo de Presentados e Prisioneiros” ubicado nunha fábrica de salgazón sirveu tamén para pór de manifesto a nosa insuficiencia colectiva: Cedeira ainda non rescatou do esquecemento a propia veciñanza represesaliada.
Reclamarmos a condena dos crimes da ditadura e a anulación dos xuizos e sentenzas ainda vixentes do rexime de Franco debería ser interpretado como unha necesaria restauración da xustiza e non como venganza.
Alonso Teijeiro, Enrique
Execución Home de 23 anos, Mestre/a
Natural de Ferrol (A Coruña)
Veciñanza: Cedeira (A Coruña)
PSOE, Mestre da Graduada de Cedeira
Morto o 18 de decembro de 1936 Xulgado en Ferrol por rebelión militar co resultado de sentenza a pena de morte. Executado en Ferrol no castelo de s Felipe.
Amor Aneiros, Manuel
Prisión
Natural de Cedeira (A Coruña)
Veciñanza: Cedeira, Cedeira (A Coruña)Xulgado en Ferrol por adhesión á rebelión co resultado de sentencia cadea perpetua e multa de 273 ptas. Conmutación por 6 anos e 1 día en abril do 1940
Aneiros Loureiro, Rufino
Paseo
Natural de Cedeira (A Coruña)
Veciñanza: Cedeira-Cervo, Cedeira (A Coruña)
Morto o 28 de outubro de 1936Reclamado para presentarse a filas, o seu pai testifica que fora detido pola Guarda Civil o paseado o 28-02-1936 sen voltar a saberse del. É procesado e declarado en rebeldía. Semella que foi paseado.
Arriví Arriví, Manuel
Paseo
Natural de Cedeira (A Coruña)
Veciñanza: Cervo, Cedeira (A Coruña)
Morto o 14 de agosto de 1937Morte en Cedeira nun traslado.
Arriví Caneiro, Francisco
Proceso
Natural de Cedeira (A Coruña)
Veciñanza: Cervo, Cedeira (A Coruña)Declarado en rebeldía en distintas Causas militares instruídas en Ferrol. Fuxido nos montes dende o 17/08/37 ata o 22 de Maio do 41, detido pola G.Civil en Cobelo. Retómase o proceso sendo Xulgado en Ferrol co resultado de sobresemento definitivo.
Barge Leonardo, Luis
Paseo
Veciñanza: Cedeira (A Coruña)
Soldado mobilizado
Morto o 28 de outubro de 1936Barállase en causa militar a posibilidade da súa morte, pero ao non estar rexistrada no rexistro de defuncións é declarado en rebeldía. Sin embargo, semella que está rexistrado en Ribeiras do Sor-Mañón.
Beceiro Bellón, José
Proceso
Natural de Cedeira (A Coruña)
Veciñanza: Cedeira (A Coruña)Xulgado en Ferrol por rebelión co resultado sobresemento
Bello López, Luis
Proceso
Natural de Cedeira (A Coruña)
Veciñanza: Cedeira, Cedeira (A Coruña)Xulgado en Ferrol por rebelión co resultado de sobresemento.
Bellón López, Tomás
Prisión
Natural de Cedeira (A Coruña)
Veciñanza: Cedeira, Cedeira (A Coruña)Xulgado en Ferrol por adhesión á rebelión co resultado de sentencia cadea perpetua e multa 273 ptas. Conmutación por 6 anos e 1 día en abril de 1940
Bernabé Martínez, José
Proceso
Veciñanza: Cervo, Cedeira (A Coruña)
Alcalde eventual de Cedeira no momento do golpe de EstadoXulgado en Ferrol por rebelión co resultado de declaración en rebeldía
Blanco Penedo, Manuel
Prisión
Natural de Cedeira (A Coruña)
Veciñanza: Cedeira, Cedeira (A Coruña)Xulgado en Ferrol por adhesión á rebelión co resultado de sentencia cadea perpetua e multa de 273 ptas. Conmutación a 6 anos e 1 día en abril de 1940. Peza de responsabilidades civís
Bouzón Teijeiro, Adolfo “O Noia”
Execución
Natural de Cedeira (A Coruña)
Veciñanza: Cedeira (A Coruña)
Morto o 18 de decembro de 1936Xulgado en Ferrol por rebelión militar co resultado de sentenza a pena de morte. Executado en Ferrol no castelo de s Felipe.
Brañas Rodríguez, Andrés “Carrizo”
Execución
Natural de Ferrol (A Coruña)
Veciñanza: Cedeira (A Coruña)
PCE
Morto o 25 de decembro de 1938Fuxiu en barco nos primeiros días do Golpe de Estado e declarado en rebeldía en varias causas militares. Capturado posteriormente, será xulgado por rebelión militar co resultado de sentenza a pena de morte. Executado no Castelo de s Felipe-Ferrol
Bustabad Fernández, Jesús
Detención
Natural de Cedeira (A Coruña)
Veciñanza: Cedeira (A Coruña)Detido e inculpado en causa militar en Ferrol por rebelión, sendo posto en liberdade.
Bustabad Lamagueiro, José
Prisión
Natural de Cedeira (A Coruña)
Veciñanza: Cedeira, Cedeira (A Coruña)
Mariño do CerveraXulgado en Ferrol por rebelión (causa seguida polos sucesos no “Cervera”) co resultado de sentencia cadea perpetua. Aberta outra causa por deserción no 37. Conmutación a 12 anos e 1 día en febreiro do 1942. Licenciamento definitivo en marzo de 1952
Castillo Domínguez, Antonio
Execución
Veciñanza: R/ Galiano 18, Cedeira (A Coruña)
PSOE, Natural de Badaxoz. Presidente do Círculo Socialista do Centro de Ferrol
Morto o 18 de decembro de 1936Xulgado en Ferrol por rebelión militar co resultado de sentenza a pena de morte. Executado en Ferrol no castelo de s Felipe.
Crego González, José Valentín
Detención
Natural de Cedeira (A Coruña)
Veciñanza: O Castro-Piñeiro, Cedeira (A Coruña)Inculpado en causa militar por complicidade con fuxidos, sendo posto en liberdade.
Crego González, José Antonio
Detención
Natural de Cedeira (A Coruña)
Veciñanza: Cordobelas-Esteiro, Cedeira (A Coruña)Inculpado en causa militar en Ferrol por complicidade con fuxidos, sendo posto en liberdade.
Cribeiro Villasuso, Manuel Eulogio
Prisión
Natural de Cedeira (A Coruña)
Veciñanza: Porto de Cedeira-Cedeira, Cedeira (A Coruña)
Fogoneiro do vapor de pesca “María del Mar”Xulgado en Ferrol por adhesión á rebelión co resultado de sentencia cadea perpetua e multa de 200 ptas. Conmutación a prisión 6 anos e 1 día en abril de 1940. Na Base Naval de San Fernando
Díaz García, Bernardino
Paseo
Natural de Cedeira (A Coruña)
Veciñanza: Cervo, Cedeira (A Coruña)
CNT, Do sindicato da industria pesqueira de Cariño
Morto o 06 de setembro de 1936Morte rexistrada en Ferrol a causa de feridas provocadas por arma de fogo.
Durán Fraguela, José Cipriano
Execución
Natural de Cedeira (A Coruña)
Veciñanza: Carbo, Cedeira (A Coruña)
Tenente Alcalde de Cedeira
Morto o 18 de decembro de 1936Xulgado en Ferrol por rebelión militar co resultado de sentenza a pena de morte. Executado en Ferrol no castelo de San Felipe.
Feijóó Fernández, Salvador
Prisión
Natural de Maceda (Ourense)
Veciñanza: Cedeira (A Coruña)Xulgado en Ferrol por auxilio á rebelión co resultado de sentenza a prisión 12 anos
Fernández Freijeiro, Manuel
Execución
Natural de Pontedeume (A Coruña)
Veciñanza: Praza do Peixe, Cedeira (A Coruña)
Militar Auxiliar de Intendencia retirado. Alcalde de Cedeira. Durante a súa estancia en Ferrol fora directivo da agrupación “Toxos e Frores”.
Morto o 18 de decembro de 1936Xulgado en Ferrol por rebelión militar co resultado de sentenza a pena de morte. Executado en Ferrol no castelo de San Felipe.
Fernández Rodríguez, Ginés
Execución
Natural de Ferrol (A Coruña)
Veciñanza: Cedeira (A Coruña)
Fillo do alcalde de Cedeira
Morto o 18 de decembro de 1936Xulgado en Ferrol por rebelión militar co resultado de sentenza a pena de morte. Executado en Ferrol no castelo de s Felipe.
Fernández Santos, Miguel
Execución
Veciñanza: Cedeira (A Coruña)
Natural de Madrid. Funcionario de Correos
Morto o 18 de decembro de 1936Xulgado en Ferrol por rebelión co resultado de sentenza a pena de morte. Executado no Castelo de San Felipe-Ferrol
Forneiro Varandela, Isaac
Execución
Natural de Ourense (Ourense)
Veciñanza: Cedeira (A Coruña)
Empregado de Banca
Morto o 18 de decembro de 1936. Xulgado en Ferrol por rebelión militar co resultado de sentenza a pena de morte. Executado en Ferrol no castelo de s Felipe.
Fraguela Quintana, Rufino
Proceso
Natural de Cedeira (A Coruña)
Veciñanza: Cervo-Cedeira, Cedeira (A Coruña)Xulgado en Ferrol por rebelión co resultado sobresemento
Freire Casás, Manuel Andrés “Cernada”
Prisión
Natural de Cedeira (A Coruña)
Veciñanza: Cedeira, Cedeira (A Coruña)Xulgado en Ferrol por rebelión co resultado sentencia prisión 12 anos e 1 día
Freire Fernández, Modesto “O fillo das Pepitas”
Execución
Natural de Ortigueira (A Coruña)
Veciñanza: San Román, Cedeira (A Coruña)
Morto o 05 de xaneiro de 1942Tras estar fuxido e detido, xulgado en Ferrol (1941) co resultado de sentenza a pena de morte. Executado
Freire García, Andrés Manuel
Desaparición
Natural de Cedeira (A Coruña)
Veciñanza: Vila do Río, Cedeira (A Coruña)
Morto o 17 de agosto de 1936Inscrito como desaparecido no rexistro de defuncións de Cedeira en 1936.
Gallego Cerón, Margarita
Sanción
Veciñanza: Cedeira, Cedeira (A Coruña)Depuración. Desterro de cinco anos fora da provincia da Coruña
García Rodríguez, Ramón “O Rulo”
Prisión
Natural de Cedeira (A Coruña)
Veciñanza: Sisalde-Esteiro-Cedeira, Cedeira (A Coruña)Xulgado en Ferrol por roubo co resultado sentencia prisión 15 anos. Causa iniciada en 1938
Garrote Rodríguez, Andrea
Paseo
Natural de Cedeira (A Coruña)
Veciñanza: San Román-Cedeira, Cedeira (A Coruña)
Morta o 15 de setembro de 1936.Morte rexistrada en Cedeira a causa de “actuación da forza pública”.
Gundín Piñón, Feliciano
Prisión
Natural de Cedeira (A Coruña)
Veciñanza: Cedeira, Cedeira (A Coruña)
Mariño de reemprazo no gardacostas “Álava” dos sublevados. Labrego de profesiónXulgado por rebelión e desobediencia (manifestar ter preferido entregar o buque ao inimigo) co resultado cadea perpetua por rebelión e 4 anos por desobediencia. Conmutación da cadea perpetua por 6 anos en 1940
Iglesias Freire, Antonio
Execución
Natural de Cedeira (A Coruña)
Veciñanza: Cedeira (A Coruña)
Morto o 18 de decembro de 1936Xulgado en Ferrol por rebelión militar co resultado de sentenza a pena de morte. Executado en Ferrol no castelo de s Felipe.
Lago Beceiro, José
Execución
Natural de Cedeira (A Coruña)
Veciñanza: Esteiro, Cedeira (A Coruña)
Concelleiro en Cedeira
Morto o 18 de decembro de 1936. Xulgado en Ferrol por rebelión militar co resultado de sentenza a pena de morte. Executado en Ferrol no castelo de s Felipe.
Leira Couto, Higinio
Proceso
Natural de Cedeira (A Coruña)
Veciñanza: Piñeiro-Cedeira, Cedeira (A Coruña)Xulgado en Ferrol por adhesión á rebelión co resultado de sentencia absolución
López Candocia, Gerardo
Detención
Natural de Cedeira (A Coruña)
Veciñanza: Castro-Piñeiro, Cedeira (A Coruña)Inculpado en causa militar en Ferrol por complicidade con fuxidos, sendo posto en liberdade.
López Garrote, Andrés
Detención
Natural de Cedeira (A Coruña)
Veciñanza: San Román-Cedeira, Cedeira (A Coruña)Inculpado en Causa militar instruída en Ferrol por rebelión militar co resultado sobresemento
López Rodríguez, José Antonio “o Moure pequeno”
Proceso
Natural de Cedeira (A Coruña)
Veciñanza: Cedeira (A Coruña)Xulgado en Ferrol por rebelión co resultado de sobresemento provisorio e posto en liberdade
López Teijeiro, José
Paseo
Natural de Cedeira (A Coruña)
Veciñanza: Cedeira-Esteiro, Cedeira (A Coruña)
Concelleiro da FP de Cedeira
Morto o 11 de marzo de 1938Rexistrado morto en Cerdido a causa de destrucción cerebral.
Lourido Arriví, Jesús “Manco de Diamantel”
Paseo
Natural de Cedeira (A Coruña)
Veciñanza: Cervo, Cedeira (A Coruña)
PCE, Tenente alcalde
Morto o 25 de agosto de 1936Morte en Ferrol rexistrada a causa de feridas producidas por arma de fogo.
Lourido Martínez, José
Prisión
Natural de Cedeira (A Coruña)
Veciñanza: Cervo-Cedeira, Cedeira (A Coruña)Xulgado en Ferrol por rebelión militar co resultado de sentenza a 20 anos de prisión.
Martínez Abella, Bernardo
Prisión
Natural de Cedeira (A Coruña)
Veciñanza: Cedeira, Cedeira (A Coruña)Xulgado en Ferrol por adhesión á rebelión co resultado de sentencia cadea perpetua e multa de 273 ptas. Conmutación a 6 anos e 1 día en abril de 1940. Ingresa na prisión de Ferrol o 01/08/1936
Martínez Díaz, Rosa
Detención
Natural de Cedeira (A Coruña)
Veciñanza: Cervo, Cedeira (A Coruña)Inculpada en causa militar en Ferrol por complicidade con fuxidos, sendo posta en liberdade.
Martínez Rodríguez, Andrés
Proceso
Natural de Cedeira (A Coruña)
Veciñanza: Cervo-Cedeira, Cedeira (A Coruña)Causa instruída en Ferrol por rebelión militar (desaparición da lancha a motor “Generosita” de Cedeira) co resultado sentencia prisión 20 anos. Condicional en novembro do 1941 e licenciamento definitivo e liberdade en xaneiro do 1944
Martínez Teijeiro, Enrique
Execución
Natural de Narón (A Coruña)
Veciñanza: Cedeira (A Coruña)
Morto o 18 de decembro de 1936Xulgado en Ferrol por rebelión militar co resultado de sentenza a pena de morte. Executado en Ferrol no castelo de s Felipe.
Meijide, José
Paseo
Veciñanza: Cedeira (A Coruña)
Morto o 28 de outubro de 1936Morte rexistrada en Ribeiras do Sor-Mañón. O seu xenro, Manuel Díaz García, tamén asasinado.
Muíño Pérez, Víctor “o Ino”
Proceso
Natural de Cedeira (A Coruña)
Veciñanza: Cedeira (A Coruña)Xulgado en Ferrol por rebelión co resultado de sobresemento
Muíño Pérez, Higinio “Charrioni”
Prisión
Natural de Cedeira (A Coruña)
Veciñanza: Cedeira (A Coruña)Xulgado en Ferrol por rebelión militar co resultado de sentenza a 12 anos de prisión
Nebril Yáñez, Andrés
Detención
Natural de Cedeira (A Coruña)
Veciñanza: Régoa, Cedeira (A Coruña)Inculpado en causa militar en Ferrol por rebelión militar co resultado de sobresemento, xa que estaba de tido como prisionerio de guerra, tras desertar na fronte de Santander e pasarse ás filas republicanas
Orjales Martínez, Antonio “Antón de Manos”
Proceso
Natural de Cedeira (A Coruña)
Veciñanza: Cedeira (A Coruña)Xulgado en Ferrol por rebelión co resultado de sobresemento
Pardo Villar, Andrés
Prisión
Natural de Cedeira (A Coruña)
Veciñanza: Cervo-Cedeira, Cedeira (A Coruña)Xulgado en Ferrol por rebelión militar (desaparición da lancha a motor “Generosita” de Cedeira e suposta rebelión) co resultado sentencia prisión 12 anos e 1 día. Conmutación por 6 anos en xuño do 40
Pardo Villar, José “O Leiteiro”
Morte
Natural de Cedeira (A Coruña)
Veciñanza: Cervo, Cedeira (A Coruña)
Morto o 14 de outubro de 1937Xulgado en varias causas en Ferrol co resultado de declaración en rebeldía. Fuxido no monte. Morto nunha batida da Garda Civil na cova Tarroeira-O Vicedo.
Pérez, José Leoncio
Proceso
Natural de Cedeira (A Coruña)
Veciñanza: Cedeira, Cedeira (A Coruña)Fixo a guerra na zona republicana. Tras a guerra estivo en diversos campos, en Rota e declarado adicto. Xulgado en Ferrol por deserción (instruída contra varios do trozo de “Ortigueira” por non se presentar a filas) co resultado de sobresemento.
Pérez López, Emilio
Detención
Natural de Cedeira (A Coruña)
Veciñanza: Cedeira (A Coruña)Inculpado en causa militar en Ferrol co resultado de sobresemento
Pérez Lourido, Ricardo
Desaparición
Natural de Cedeira (A Coruña)
Veciñanza: Cervo, Cedeira (A Coruña)
Morto o 14 de agosto de 1937Morte por disparos nun traslado en Cedeira.
Pérez Martínez, Manuel “Rolán”
Proceso
Natural de Cedeira (A Coruña)
Veciñanza: Cedeira, Cedeira (A Coruña)Xulgado en Ferrol por rebelión co resultado sobresemento
Pérez Pardo, Vicente
Prisión
Natural de Cedeira (A Coruña)
Veciñanza: Cervo-Cedeira, Cedeira (A Coruña)Xulgado en Ferrol por rebelión militar (desaparición da lancha a motor “Generosita” de Cedeira e suposta rebelión) co resultado sentencia cadea perpetua. Conmutación por 6 anos en xaneiro do 40 e condicional en novembro do mesmo ano
Pérez Senra, Nicasio
Paseo
Natural de Cedeira (A Coruña)
Veciñanza: Esteiro-Cedeira, Cedeira (A Coruña)
Concelleiro da FP de Cedeira
Morto o 11 de marzo de 1938Rexistrado morto en Cerdido a causa de Hemorraxia Cerebral
Pérez Taracido, Ezequiel
Detención
Natural de Cedeira (A Coruña)
Veciñanza: Sisalde-Esteiro, Cedeira (A Coruña)Inculpado en causa militar por complicidade con fuxidos, sendo posto en liberdade.
Ramos Fernández, Vicente
Proceso
Natural de Cedeira (A Coruña)
Veciñanza: San Román-Cedeira, Cedeira (A Coruña)Xulgado en Ferrol por rebelión militar (desaparición da lancha a motor “Generosita” de Cedeira e suposta rebelión) co resultado sentencia prisión 12 anos e 1 día. Conmutación por 4 anos en xaneiro do 40 e condicional en outubro do mesmo ano
Ramos López, José
Detención
Natural de Cedeira (A Coruña)
Veciñanza: Montemeao-San Román de Montoxo, Cedeira (A Coruña)Inculpado en causa militar en Ferrol por complicidade con fuxidos, sendo posto en liberdade
Redondo Senra, Rufino
Execución
Natural de Oleiros (A Coruña)
Veciñanza: Devesos-Cerdido, Cedeira (A Coruña)
IR, Concelleiro
Morto o 18 de decembro de 1936Xulgado en Ferrol por rebelión militar co resultado de sentenza a pena de morte. Executado en Ferrol no castelo de s Felipe.
Riola Martínez, José
Paseo
Veciñanza: Cedeira (A Coruña)
Morto o 28 de outubro de 1936Morte rexistrada en Ribeiras do Sor-Mañón.
Riola Piñón, Antonio
Prisión
Natural de Cedeira (A Coruña)
Veciñanza: Cervo-Cedeira, Cedeira (A Coruña)Xulgado en Ferrol por rebelión militar (fuxida da lancha a motor “Generosita”) co resultado sentencia prisión 20 anos. Condicional en novembro do 1941; licenciamento e liberdade en 1944
Rodríguez Armada, Andrés
Prisión
Natural de Cedeira (A Coruña)
Veciñanza: Piñeiro-Cedeira, Cedeira (A Coruña)Xulgado en Ferrol por adhesión á rebelión co resultado de sentencia cadea perpetua e multa de 273 ptas. Conmutación a 6 anos e 1 día en abril de 1940.
Rodríguez Caneiro, José
Prisión
Natural de Cedeira (A Coruña)
Veciñanza: Cervo-Cedeira, Cedeira (A Coruña)Xulgado en Ferrol por rebelión militar (desaparición da lancha a motor “Generosita” de Cedeira e suposta rebelión) co resultado sentencia prisión 12 anos. Conmutación por 6 anos en maio do 40 e condicional en outubro do mesmo ano
Rodríguez Loureiro, Jesús “Garrús”
Prisión
Natural de Cedeira (A Coruña)
Veciñanza: Cedeira (A Coruña)
Traballador nunha fábrica de salazóns. Xulgado en Ferrol por rebelión co resultado de sentenza a cadea perpetua
Rodríguez N., Francisco “Cascarrón”
Execución
Natural de Cedeira (A Coruña)
Veciñanza: Cedeira (A Coruña)
Morto o 18 de decembro de 1936Xulgado en Ferrol por rebelión militar co resultado de sentenza a pena de morte. Executado en Ferrol no castelo de s Felipe.
Rodríguez Piñón, Andrea
Detención
Natural de Cedeira (A Coruña)
Veciñanza: Piñeiro, Cedeira (A Coruña)
Muller de Andrés Brañas “Carrizo”. Inculpada en Causa instruída en Ferrol por complicidade con fuxidos, sendo posta en liberdade.
Suárez Caruncho, Constantino “O Cañoto”
Proceso
Natural de Cedeira (A Coruña)
Veciñanza: Cedeira (A Coruña)Xulgado en Ferrol por rebelión co resultado de declaración en rebeldía
Vergara López, José
Paseo
Natural de Cedeira (A Coruña)
Veciñanza: Cedeira (A Coruña)
Concelleiro
Morto o 25 de agosto de 1936Morte en Ferrol a mans da “Fuerza Pública”.
Vigo Pita, Josefa
Paseo
Natural de Cedeira (A Coruña)
Veciñanza: Sisalde-Cedeira, Cedeira (A Coruña)
Morto o 21 de marzo de 1938Morte rexistrada a causa de feridas producidas por arma de fogo. Lugar de aparición do cadáver: Valdoviño
Vilela Freire, Andrés “o Lelo”
Proceso
Natural de Cedeira (A Coruña)
Veciñanza: Cedeira (A Coruña)
No servizo militarXulgado en Ferrol por rebelión co resultado de sobresemento provisorio e posto en liberdade
Villar Piñón, Ricardo
Prisión
Natural de Cedeira (A Coruña)
Veciñanza: Cervo-Cedeira, Cedeira (A Coruña)Xulgado en Ferrol por rebelión militar (desaparición da lancha a motor “Generosita” de Cedeira e suposta rebelión) co resultado sentencia prisión 20 anos. Conmutación por 6 anos en xaneiro do 40 e
Villarnovo Riola, Faustino
Prisión
Home de 19 anos, Mariñeiro
Natural de Cedeira (A Coruña)
Veciñanza: Régoa-Cedeira, Cedeira (A Coruña)Xulgado en Ferrol por adhesión á rebelión co resultado de sentencia cadea perpetua e multa de 273 ptas. Conmutación a 6 anos e 1 día en abril de 1940
Os verdadeiros heróis e heroínas que loitaran pol liberdade de todos e pola cultura como veículo do pensamento crítico. Hoje o oposto é idolatrado. A sociedade degenerou e parece que será um sem retorno