Os médicos decidiron retirar a alimentación a Andrea, a nena de doce anos cunha doenza dexenerativa irreversibel, segundo vén de informar o avogado da familia, Serxio Campos, losgo de reunirse co equipo de Pediatria. Campos afirmou que a nena terá a “morte digna” que reclamaban os seus pais e “unha morte un bocado máis doada que a vida que tivo”.
A mudanza de posicionamento dos pediatras do Hospital de Santiago de Compostela alicerza, porén, no mantemento “dunha mínima hidratación” para que os fármacos fagan efeito. É por iso que agardan que o desenlace sexa cousa de dias. A nai e o pai decidiran levar o caso ao xuizo ao entender que había acarnizamento terapéutico contrario á lexislación vixente.
