Raul López e Marcos Pernas do Clube de Remo de Cedeira, gañan o ouro en 2xAM 500 no Campionato de España de Remo Olímpico celebrado o pasado fin de semana no Estany de Banyoles (Girona) para as categorías alevín, infantil , cadete e remo adaptado. O anfitrión, o Club Natació Banyoles acadou (como no 2013) o Trofeo Promoción que premia ao clube con mellores resultados nas tres categorías alevín, infantil e cadete, acadando 10 metais: catro ouros, tres pratas e tres bronces. O CN Sevilla, vencedor en 2014, quedou en 2ª posición por clubes con oito metais –tres ouros e cinco pratas–;mentres o Club Rem Tortosa foi terceiro con tres ouros e unha prata.
Porén, mália o dominio do clube catalá, os remeiros galegos Raul López e Marcos Pernas do Clube de Remo de Cedeira foron quen de acadar o trunfo na modalidade doble scull alevín masculino 2xAM 500 m cun tempo de 01:46,53, por diante do Club Remeros del Eo (01:56,56 M) e do Club Nautic Amposta (01:58,40)
Ao mellor tamén che interesa:
O Clube de Remo de Cedeira trunfa no campionato galego de remoergómetro
Campionato provincial de remoergómetro na Malata
