A bandeira LGTB pendura xa do balcón do Concello de Cedeira, fronte a praza da Laranxeira, como en Pontevedra, A Coruña, Ferrol ou Compostela, co gallo do Día do Orgullo Gai que se celebra esta fin de semana. A concelleira de cultura e primeira tenente de alcalde Maria Xosé Rodriguez e Tiano Labraña penduraron a bandeira este mediodia.
É a primeira vez que a colorida insignia gai ondea na casa do Concello e estará pendurada até remataren os actos relacionados co dia do orgullo.
[wzslider autoplay=”true” transition=”‘slide'”]
28 de xuño
O Día do Orgullo Gai ten lugar o 28 de xuño e refírese a unha xornada na que se desenvolven accións reivindicativas da comunidade gai, que engloba a LGBT, a comunidade lésbica, o propio mundo gai, bisexual e transexual, co gallo de reafirmaren a súa orientación sexuais e mais para facer denuncia das actitudes homofóbicas.
Hai vento mareiro en Cedeira. Que sexa verdadeiro axente de transporte, que polinice e desprace sementes. Que sexa anabático, que dende as zonas máis baixas ruba cara ás máis altas a medida que o sol quenta o relevo. Comezando por ser tamén un vento erosivo que nos libre das vellas inercias e fatigas.