O sobranceiro guitarrista tiña 89 anos. Entre as súas composicións máis coñecidas cómpre destacar ‘The thrill is gone’, ‘You know I love you’, ‘Woke up this morning’ e ‘Please love me’.
Riley B. King, coñecido como B. B. King, comezou a rexistrar temas a finais dos anos corenta. Chegou a publicar cincoenta albums. Fillo dunha família de arrendatarios de Itta Bena (Mississipí), comezou a facer carreira como ‘disc-jockey’ en Memphis contra dos anos 40, onde foi benzoado como “the Beale Street Blues Boy”, alcume que logo quedou en “B.B.”,iniciais que acabaron precedendo o seu apelido. Mesturou jazz, swing, pop e jump nun son único que alternaba coa voz e a súa guitarra Lucille
Nos anos 50 B.B. King converteuse no grande talento da música R&B con sucesos como ‘You know I love you’, ‘Woke up this morning’, ‘Please love me’ ou ‘When my heart beats like a hammer’.
A sua estrea discográficia chegou con ‘Singin’ the blues’ en 1957, mas o maior suceso chegou en 1969 co single ‘The thrill is gone’. Divorciado da súa segunda muller, Sue Carol Hall, debido ao ritmo dunha carreira que dende os anoss 50 e até pasados os oitenta anos, acumulaba máis 250 concertos por ano, ainda que tivo tempo para ter 15 fillos e 50 netos.
A súa pegada na musica foi recoñecida ben axiña ainda que foi con ‘Deuces wild’ (1997) o traballo co que diversos músicos do pop e do rock partillaron música e protagonismo con King: Rolling Stones, Van Morrison, Elton John, Dionne Warwick, Bonnie Raitt, Tracy Chapman e Eric Clapton….
Con ‘Riding with the king’ (2000), gañou o Grammy ao mellor disco de blus do ano. Aos 80 anos, con ‘B.B. King & Friends: 80’ (2008), volveu arrodearse de músicos como Mark Knopfler, Sheryl Crow, Gloria Estefan e , mais unha vez, Eric Clapton e Elton John. A revista ‘Rolling Stone’ considerouno o terceiro dos mellores 100 guitarristas, por detrás de Jimi Hendrix e Duane Allman. Foi primeiro bluesman que actuou na Unión Soviética en l 1979.
Ao mellor tamén che interesa:
