Esta tarde de sábado, 4 de Abril de 2015, o xornalista e escritor Rafael Cid, activo colaborador de Ollaparo dende o pasado verán, impartirá unha palestra intitulada “Municipalismo Libertario“no local de Marea Ártabra.
A posta directa
A vindeira semana sairá do prelo o libro escrito en parcería (coas achegas entre outros de Cid, Taibo, Estebaranz, Grupo de Reflexión para la Autonomía, Cul de Sac, etc) e en clave libertaria, “La apuesta directa – Debate libertario y ciclo político”(Enclave de Libros, 2015). Un libro que se apresenta como “ferramenta” e discurso suxeito a discusión e a erro, onde diferentes colectivos e persoas do anarquismo analizan a fase política actual e achegan unha base común de pensamento e acción”.