As matemáticas, a astronomía, a bioloxía, a física e a química,… tíranlle luz aos feitos obxectivos e observables que inspiraron grandes historias de ficción. Historias, que chegaron e chegarán a converterse en realidade grazas á ciencia. O Salón do libro Infantil e Xuvenil de Pontevedra celebra a súa XVI edición cun programa no que haberá contacontos, teatro, música, obradoiros e, sobre todo, moitas actividades relacionadas coas materias da temática deste ano: ‘Da ciencia á ficción’.
A lectura será máis unha vez a protagonista entre o 27 de febreiro e o 28 de marzo no Pazo da Cultura e no Recinto Feiral de Pontevedra .
