Tamén sospeitosos de terrorismo, criminais e inmigrantes ilegais serian impedidos de exercer os seus dereitos humanos como “saír da cadea” se prosperara un proxecto de lei Tory. Un proxecto de lei elaborado por altos xuristas conservadores que ignoraría as sentenzas do Tribunal Europeo de Dereitos Humanos, en Estrasburgo, prohibíndolles votar, facer parte dun sindicato e restrinxindo as penas.
Segundo os xuristas conservadores trataríase de evitar a deportación a través do dereito á vida familiar que contempla a Lei de Dereitos Humanos. Velaí a precipitación que producen as leituras simplistas e ideoloxizadas que tenden a centrar o debate apenas nos límites da seguridade e a liberdade logo do atentado terrorista a Charlie Hebdo do 7 de xaneiro que conmoveu a sociedade europea obviando, entre outros aspectos, o debate sobre os modelos de políticas públicas desenvolvidas na Europa para responder aos importantes fluxos migratorios internacionais das derradeiras décadas.
Cando se goberna a través de políticas restrictivas que provocan exclusión e separación das persoas emigradas respeito á poboación autóctona é doado derivar cara a vulneración dos dereitos humanos sob o apelo á seguridade.
Moi boa a ilustración fotográfica da nova. Xa era hora de que o conservador The Times comezara a considerar “individuos perigosos” ós parásitos da monarquía…