Meteogalicia anunciara ondas do noroeste por riba dos 5 metros en todo o litoral. Ventos forza 7-8 no litoral norte virando á noite a noroeste con refachos de atés 100 quilómetros por hora. Alerta laranxa. O forte oeste e o ar de fondo do noroeste, con ondas de 6 a 7 metros á mañá ( 5 a 6 metros á tarde e 5 a 7 metros á noite ) acabaron por deixar mais unha vez a súa pegada na vulnerabel faixa dunar da Madalena. Quedou ao descuberto outro treito de valado e comeza a curvarse. Segue esborrallando area do alto do cotarelo e o noiro está a acadar unha altura espectacular. A vindeira semana continua o temporal.
[wzslider autoplay=”true”]
Supoño que non collerá a ninguén de sorpresa. Creo que todos esperábamos que o valado quedase ao descuberto coas primeiras marexadas.
O sistema de puntóns utilizáse en moitos sitios porque petrifican coa area na auga salgada (é un proceso de transformación dos átomos de carbono en silicio e viceversa).
Poido entender que se utilizase no Areal como unha medida de choque pero, entón, Cales son as outras medidas, as que pretenderían unha solución definitiva?
Ou non había nada máis?