Praza vén de informar que A poboación galega cre que ten o peor goberno do Estado. O xornal galego faise eco da edición do 2013 do estudo publicado na revista Social Indicators Research do Índice Europeo de Calidade do Goberno. O resultado galego é de -0,404, mentres que en 2010 era 0,667, o que nos situa no último lugar a escala europea. Até nisto somos potencia. Preguntados pola igualdade no acceso servizos públicos de saúde , educación e tribunais de xustiza ou se neles prevalece a corrupción, os galegos somos implacábeis. Talvez sinceros. Non nos gaña ninguén en espetarlle ao goberno de noso que é o mellor no peor. O máis peor. Temos unha baixísima percepción do goberno que nos damos e que unha e outra vez obtén maiorías absolutas.Vangloria dos outros? Experiencia paradoxal do ser galego?Autocrítica ou modestia nosa? Sabermos que temos un goberno que non está á altura e sentir, porén,que non nos merecemos nada millor? Síntoma, aliás, de decidida vontade de cambio? Hase de ver.