Con gran afluencia de xente apresentouse o pasado 22 de agosto o libro Lírica teixidesa do músico e poeta Xosé Antonio Suárez Aneiros. O acto foi apadriñado polo académico Álvaro Porto Dapena compartindo mesa co historiador local Rafael Usero e o poeta e o ilustrador Xoán Manuel Toxeiro. Entre as intervencións estrenáronse dúas pezas musicais do propio autor: Marcha procesional de San Andrés e Capela da Fame.
Salientou o académico a doble vertente do autor de músico e poeta e ensalzou as cualidades do libro: popularidade, anque aparente, porque ten a obra moito de cultura clásica e un profundo coñecemento da paisaxe da Capelada, Teixido e a romaría a este Finis terrae. O autor agasalla ao leitor mais do que un libro de poesía: a conciencia da rica materia de Teixido, o cultivo aquilatado do seu acervo oral e popular como lingua literaria.
