En Vilanova de Arousa saiu elexida Maria Xosé Vales, en Ferrol Isabel Maroño e así até un total de trece mulleres (cinco delas repiten responsabilidade). Para darlle máis voz e aumentar a capacidade decisoria das mulleres galegas no sector pesqueiro, a introdución da muller no mundo laboral deste sector tivo na chegada das redeiras e as mariscadoras un primeiro cambio de mentalidade nas Confrarías posibilitando unha maior visibilidade e dignificación, aumentado a súa visibilidade e mellorando as súas condicións de traballo. Dende o 26 de xullo a Confraría de Pescadores de Cedeira tamén ten Patrona Maior, Lucía Villar Martínez.
Ollaparo:Nun mundo como o do sector pesqueiro que tradicionalmente foi cousa case exclusivamente de homes, contaba con sair elexida?.O xénero pode supor um feito diferencial na xestión das confrarias?.
Lucía Villar: Estou convencida de que o xénero non supón ningún problema para o meu mandato como patroa maior, presumo de ter un bo equipo no cabido polo cal síntome moi respaldada e non teño dúbida ningunha do seu apoio. Con respeto a se contaba sair elexida, a verdade é que sempre tiven a miñas dúbidas. Finalmente os asociados decidiron que eu fose a persoa encargada de representar a Confraría e neste sentido espero non defraudalos.
Ollaparo: Vostede saiu elexida logo dunha importante viraxe eleitoral após un mandato de 8 anos. Demasiado tempo sen lles consultar aos socios… De quen son as confrarias de Pescadores?.Que papel debe xogar os mariñeiros e mariscadoras nesta confraría cando estes fan valer a queixa de que historicamente sempre foron organismos que maiormente beneficiaron ao armador?.
Lucía Villar: Recoñezo que foi demasiado tempo sen que houbese eleccions. En canto o papel que xogan os mariñeiros e mariscadoras, gustaríame facerlles saber a todos e a cada un dos asociados desta Confraría que atenderei a todos por igual, por ser esa a miña obriga. Quero que teñan claro tanto os mariñeiros como as mariscadoras que eles, xunto cos armadores, son a razón de ser de esta Confraría, e polo tanto, como patroa maior da mesma estarei a sua enteira disposición para o que necesiten.
…a entrada de España na Comunidade Económica Europa non foi moi favorable para o sector pesqueiro, sobre todo no que se refire as baixas cotas de pesca. Como consecuencia das baixas posibilidades de pesca asignadas o noso país, gran parte da nosa flota esta a desaparecer
Ollaparo: Vostede defronta un mandato respaldada polo grupo que mais apoios obtivo nas urnas logo da inhabilitación por incompatibilidade de Agustin Pérez. Que causas vé vostede nesta virada eleitoral?.
Lucía Villar: A verdade é que eu non vexo ningunha virada electoral. Dende o momento en que se me plantexou, por parte dos asociados, a posibilidade de presentarme como candidata a patroa maior considerei que tiña as mesmas posibilidades de sair elexida que o resto de candidatos. Considero que a xente do mar estaba a buscar un cambio e viron en min unha boa opción para encargarme da xestión da Confraría.
Ollaparo: Pensa compatibilizar a actividade profesional que realizou até o de agora vinculada á actividade pesqueira coa xestión da Confraria?
Lucía Villar: Teño pensado continuar coa xestión en solitario da miña propia empresa e o mesmo tempo, coa axuda do cabido, levar a cabo a xestión da Confraria de Pescadores de Cedeira. Non me cabe a menor dúbida de que poido compatibilizar perfectamente as duas actividades.
Ollaparo: Unha vez tome posesión do seu cargo como Patrona Maior, cal será a súa primeira intervención .Que é o que máis lle preocupa ?. Que retos futuros considera máis importantes?.
Lucía Villar: O primeiro que farei será poñerme o día, sobre todo no que se refire a actual situación económica na que se atopa a Confraría, a cal descoñezo. Dende o primeiro momento en que tome posesión do meu cargo comezarei a traballar cos distintos sectores vinculados a esta Confraría, escoitando as suas preocupacións e inquitudes e, solicitando reunións cos distintos organismos vinculados co sector pesqueiro.
Dende a Confraría vamos a traballar pra conseguir un aumento das cotas de pesca asignadas os nosos buques, así como para asegurar a continuidade das axudas a paralización definitiva da actividade pesqueira, imprescindibles dende o meu punto de vista, pra axudar os pescadores na transición cara a pesca sostenible esixida dende Europa.
Ollaparo: A Reserva de Interese Pesqueiro Ria de Cedeira foi un dos proxectos principais da anterior corporación,Reserva que ten sido posta en causa logo das polémicas intervencións de Costas na praia e os vertidos fecais na ria.Neste sentido, que proxectos pensa tirar adiante?. Que futuro desexa para a Reserva Mariña?
Lucía Villar: Teño que recoñecer que a situación actual que estamos a vivir estos días cos calamitosos vertidos fecais, onde as praias e as nosa ría vironse moi afectadas, é preocupante. Neste sentido, estudaremos as actuacións que se poidan levar a cabo para que esta situación non se repita.
…a situación actual que estamos a vivir estos días cos calamitosos vertidos fecais, onde as praias e as nosa ría vironse moi afectadas, é preocupante.
Ollaparo: Falemos de Europa. A pesca é un dos sectores máis globalizados pero cun peso importante nas poboacións costeiras que como a nosa conserva as artes artesanais de pesca. Neste sentido cal é para vostede o futuro do fondo europeo marítimo e de pesca artesanal?
Lucía Villar Teño que recoñecer que a entrada de España na Comunidade Económica Europa non foi moi favorable para o sector pesqueiro, sobre todo no que se refire as baixas cotas de pesca. Como consecuencia das baixas posibilidades de pesca asignadas o noso país, gran parte da nosa flota esta a desaparecer. Neste sentido, considero moi importante as negociacións levadas a cabo en Bruxelas sobre o destino primordial dos fondos europeos. Dende esta Confraría vamos a traballar pra conseguir un aumento das cotas de pesca asignadas os nosos buques, así como para asegurar a continuidade das axudas a paralización definitiva da actividade pesqueira, imprescindibles dende o meu punto de vista, pra axudar os pescadores na transición cara a pesca sostenible esixida dende Europa.
vamos axudar os pescadores na transición cara a pesca sostenible esixida dende Europa
Ollaparo: Xa para rematar. Foi a principios dos anos noventa cando un comprador de peixe afincado en León, creemos recordar, viñera a caer na lonxa de Cedeira. Aquela novidade creara un problema. Non se pode entender o mundo do mar sen o idioma de noso. Aconteceu que a chegada dun castelán falante levou a prantexar se o idioma do país debía cambiarse ao castelán pola chegada dunha só persoa, cousa que non aconteceu con outro comprador de peixe chegado de Portugal . Pódese contribuir dende a Confraría de Pescadores á plena normalización do Lingua galega?
Lucía Villar: A esto teño que decir, que todos teñen dereito a falar como queiran, pero dende a Confraría non é que poidamos contribuir a falar o noso idioma, debemos facelo. Quero deixar claro que nesta lonxa no se discriminara a ninguén fale o idioma que fale, ainda que, maioritariamente, o idioma que se empregará na mesma será o galego, como ven acontecendo dende fai xa moitos anos atrás. Pra rematar, quixera darvos as grazas por darme esta oportunidade de asi poder manisfestar a miña intencion de gobernar dende a transparencia e a imparcialidade que esta Confraria necesita.