Sábado reivindicativo. AGE e BNG anunciaron que apoian a mobilización promovida pola Plataforma Galega das Marchas da Dignidade.
A mobilización Rodea o Parlamento para esixir “Pan, traballo e teito” e reclama dos poderes públicos “novas políticas que resolvan a grave situación que están a vivir amplísimos sectores populares de Galicia”, comezando pola esixencia do “dereito a poder comer, o dereito ao traballo digno e o dereito a unha vivenda”,coincidirá con accións semellantes ante os restantes parlamentos do Estado. o manifesto que acompaña a convocatoria chega poucos días despois de que o Bloque tamén arrodease a Cámara.
A marcha partirá da estación do tren de Compostela ás 12 horas, saíndo da avenida de Lugo, seguindo pola rúa do Hórreo, rúa Ramón Piñeiro, volvendo á avenida de Lugo para rematará por volta das 13 horas na Rotonda da mesma avenida coa lectura do manifesto
