O sistema enfornado no franquismo enrócase. Ese é o sentido da “abdicación” e da mensaxe enlatada do abdicado: proceso constituinte á medida deles. A presa deriva de que a sucesión teña a maioría de dous terzos que exixe o Congreso e que PP e PSOE xa non son garanten reeditar após a elección xerais de 2015 e o ascenso do voto republicano español de IU e Podemos. As europeas aceleraron o recambio a través da abdicación pactada na que decidiron por nós. Xa veremos para que serven as eleccións municipais. No entanto, facilitar o enrocamento bourbonico é o favor que o bipartidismo de estado se fai así mesmo e á monarquía aferrándose a unha “segunda transición” que queren “atada e ben atada” sen que medie un proceso constituinte que teña en conta ao pobo, quer dicer, que se consulte aos cidadáns que modelo de estado queren: máis do mesmo, unha republica española ou unha república galega.
Cómpre estar á espreita de como empaquetan agora a blindaxe xudicial de Xan Carlos no proxecto de lei de sucesión . Atentos tamén a Gómez Besteiro bit.ly/1krcgom (vía @PSdeG) que, desmarcándose de Rubalcaba (será por iso que non dimitiu, para controloar o PSOE no proceso de abdicación?) vén de defender unha “reforma constitucional”
A abdicación prende lume no republicanismo galego. Milleiros de persoas portando bandeiras galegas se concentraron en diferentes cidades e vilas do país
Saudade: ondea algunha bandeira galega republicana nas fiestras e balcóns de Cedeira?
[wzslider autoplay=”true” transition=”‘flash'”]
Fonte:GZ VideosVigo, 2/6/14
