A abdicación do Rei é a resposta do sistema: un recambio para non mudar. Somos republicamos e non imos caer na tentación de sentir eufóricos. Mesmo hai elementos para o desasosego xa que a abdicación é un acto arbritario que non implica a decisión da maioría parlamentaria. Ademáis, semella que o recambio, o primeiro descendente home do rei, será proclamado de xeito inmediato.
Vén de comunicalo Mariano Rajoy. O Rei de España, Xan Carlos I renuncia a favor do seu fillo Filipe VI. A abdicación é sintomática, agora que o sistema está máis cuestionado ca nunca, co devalo do bipartidismo, corrupción a esgalla dende o Congreso até a Zarzuela, a banca intervida, o sistema de caixas galegas esfolado, as institucións do Estado sen credibilidade ningunha. A abdicación do Rei é a resposta porque o monarca cazador (presidente da organización ecoloxista WWF), resistiuse até o 25M, data na que tremeceu o poder no que acubilla a monarquia dende a ditadura ( as oligarquías político económicas que soerguen o bipartidismo de estado). Un poder oligárquico que tira do desfibrilador familiar para salvar o sistema das “ameazas” externas e internas.
Operación de resgate e panexíricos
Os vindeiros dias desabarán a eito panexíricos do monarca saínte. A crise desaparecerá dos medios, ouviremos palabras de louvanza á figura do entrante. E esta será a marca impoluta que nos ofrecerá o sistema para salvarse a si mesmo e para nos facer esquecer a desfeita do PP-PSOE, a Transición, a opacidade dunha institución extemporánea, os escándalos do abdicante e do xenro Urdangarín (caso Nóos) .
As frases
“O castelán nunca foi língua de imposición (“5 de marzo del 1990, II Congreso Internacional de Historia da Lingua española (Sevilla)
“Por que non te calas!” (mandando calar alporizado a un xefe de Estado extranxeiro en plena conferencia interncional)
Mobilizacións
Galiza pola Soberanía está a facer convocatorias pola República Galega. Convócanse manifestacións ás 20 horas pedindo a convocatoria dun referendo para decidir sobre a sucesión de Filipe VI e a forma de Estado. Na Coruña será no Obelisco.
En Compostela, no Toural.
En Ferrol, na Praza de Armas.
En Vigo, diante do MARCO.
En Ourense ante Subdelegación do Goberno.
En Lugo ante a Subdelegación do Goberno.
En Pontevedra na Praza da Peregrina.
Algúns títulos para lermos
