off
Cedeira, Política local — 2 Xuño, 2014 at 19:17

75.000 euros de capital público para un centro de dia “externalizado”

por

Ollaparo_AuditorioCedeira_2013-08-07 13.18.22Ao parecer,  no “fogar” dos Rubido todo vai a fume de carozo e segundo conveña. Seica agora o Auditorio municipal servira de contenedor dun Centro de Día finanzado por subsídio nominativo da Deputación co intención de “externalizar” a súa xestión unha vez se teñan investido 75.000 euros de capital público.

Cómpre afinarnos as categorías analíticas que nos sirven para enxergar e entender o que pasa ao noso redor. A externalización ou terceirización de responsabilidades é a excusa que presentan os grupos dominantes que nos gobernan para seguiren aplicando as políticas de drenaxe de recursos do sector público cara o privado. Externalizar é privatizar porque ainda que a titularidade continue sendo pública o risco moral asúmeo a comunidade local e non os seus representantes ou a empresa concesionaria; logo do pleno de onte, ou o PSOE non se entera ou a máis de preguntar polo modelo de xestión que pretende aplicar o PP, a oposición toda debería terlles  esixido a quen nos goberna algúns interrogantes que preocupan e están na mente de calquera cidadán:

  1. A terceirización reducirá os custos fixos? Se xestionara o servizo o Concello, canto lle costaría ? Non hai datos nin hai cálculo , non son de dominio público nin están contrastados. Portanto, perante a opacidade, a redución de costos fixos cómpre poñela en dúbida.
  2. Se a actividade  ou servizo xera beneficios para unha empresa privada como é posibel que non se poda ofrece-lo nas mesmas condicións dende o Concello, se temos en conta que:

-se a  empresa está obrigada a contratar persoas da mesma Cedeira, e se non proporciona traballadores cualificados o mesmo podería ter feito o Concello

– a empresa concesionaria estará suxeita a tarifas para o público que non poderá subir , porque son dictadas pola administración local e que o mesmo podería ser feito polo Concello

– os responsalbes públicos adoitan declarar na imprensa a importancia e o valor engadido que a localidade conte con estes servizos (se tan importante é, por que son externalizados?)

– os responsables públicos e os medios de comunicación neoliberarais, a máis da  “esquerda”  que non se entera,  critican o exceso de persoal nos concellos que ben podería reubicarse nestas tarefas a través de programas de emprego

– como se repartirán as responsabilidades de ter externalizado un servizo público?  quen asumirá as posibles consecuencias negativas?

Sr. Rubido, Alcalde de Cedeira, que avance nun pleno que logo  de excutar o  investimento de  75000 euros de capital público  nun servizo sociosanitario para externalizalo despois, porque en caso de ofrecelo o Concello sería supostamente máis caro -ese será o seu argumento, non-si?-  non é máis que asumiren que a súa propia xestión do Concello é deficiente e por iso hai que “externalizala”.

 

2 Comentarios

  • Aínda non o creo: que non desbalden máis ca 75000€.
    Así é como empezan todos os contos…
    despois non lles saen as contas e…
    bótalle outra de carto público, que non doe!

Deixar unha resposta

Ten que ser rexistrado para publicar un comentario.

off
A %d blogueros les gusta esto: