O Eurostat permite a consulta dun «Statistical Atlas» a escala rexional, a partires dos dados do anuario «Eurostat regional yearbook 2013» . O atlas contén mapas con información estatística sobre economia e finanzas, poboación e condicións sociais de vida, comercio e industria, servizos e transportes, agricultura e pesca e ciencia e tecnoloxía. Cada mapa achega unha lenda cunha breve explicación para interpretar atinadamente os dados.
Se centramos a pescuda na información estatística sobre ciencia e tecnoloxia, o Atlas achega 4 mapas per rexions europeas:
– % Producto Interior Bruto (PIB) en Gasto R+D (2010)
– % Investigadores respecto á poboación ocupada (2010)
– % Recursos humanos adicados a ciencia e tecnoloxia respecto da poboación activa (2011)
– Número de solicitude de patentes ao European Patent Office (EPO) por millión de habitantes (2009)
Cómpre por de relevo que o mapa de patentes presenta información pormenorizada a escala provincial. Para termos unha idea, a vangarda peninsular áchase no cadrante norleste: Barcelona, Guipúzcoa, Navarra e Zaragoza. Os dados galegos ofrecen unha mostra da disparidade: A Coruña 12,8 ,Lugo 3,6,Ourense 3,6 , Pontevedra 10,8 fronte Guipúzcoa 67,2, Navarra 70,7, Barcelona 67,5, Zaragoza 63,4.
En Galiza a participación de investigadores respecto das persoas empregadas é do 0’99% (como Murcia) por baixo de Andalucía e Valencia e fronte o 1,25 do Principado de Asturias o 1,76 de Navarra e o País Vasco, o 1,32 Cataluña e o 1,83 de Madrid.