Irmandade TV vén de mostrar aos bárbaros refinados mallando nos mariñeiros. “Déjenos hacer nuestro trabajo”lle espeta un policia ao deputado do BNG Francisco Jorquera, perdonándolle a vida mentres a súa compañeira, a deputada Montse Prado intercedía cando un mariñeiro que participaba nos protestos, estaba a ser detido. Foi empurrada e golpeada a porrazos . Posteriormente, trasladouse a Urxencias para tramitar unha denuncia. O grupo parlamentario do BNG abandonou o hemiciclo tras negarse o PP a suspender o pleno e celebrar unha Xunta de portavoces tras a brutal carga policial producida no exterior do Parlamento. Ante a negativa do vicepresidente Miguel Santalices a convocar a xunta de portavoces decidiu abandonar o pleno e non participar nos debates ante a gravidade da situación. Jorquera pediu ao Parlamento galego a “dimisión do delegado do Goberno” e un pronunciamento contra a carga policial. Os mariñeiros do cerco, acompañados de familias enteiras e crianzas, sairan ás once da Praza do Obradoiro car a Xunta e despois ao Parlamento: a queima de algún contentor serviulle á policía para cargar polas rúas do ensanche entre a xente e os propios manifestantes que se defenderon como poideron.
A policía postmoderna non consigue safarse, revela o grau cero da intelixencia e da política. A senrazón do máis forte. Velaí a dereita española facendo gala da brutalidade dos depredadores. O interese do Pobo? A fartura do Estado? A seguridade dos cidadáns? O principio democrático? Mais unha vez a soldadesca, a policía, na rúa. O Código Civil, o Código Penal e os tribunais só sirven para enviar a prisión aos ionkis, desafiuzar vellos e mallar na xente mentres os gatos cósmicos se adican a desviar o diñeiro público, a abusar dos bens sociais e a enriquecerse. O delegado do goberno facendo méritos. O presidente impío, sigue acubillado na brunete mediática.
[youtube]https://www.youtube.com/watch?v=0wymjU8LWCA&app=desktop[/youtube]
http://m.youtube.com/watch?v=VThdonuA3SY
http://www.youtube.com/watch?v=fqkRihRuHNc&sns=em
http://www.youtube.com/watch?v=MVhnIV73hyw&sns=em
A imaxe de Xavier Vence é da protesta anterior, a dos alcaldes contra o canon de Sogama onde a
Policia xa os tratou como delincuentes. Agora o que se fixo cos mariñeiros e a parlamentaria nacionalista non ten perdón. Dimitir non é un nome ruso!
#MariñeirosEnLoita #PPStyle