Chamarlle ao arranxo de rúas ‘humanización de avenidas’ é todo un acto de contrición. Luis Rubido, parece que vai deixando lastre logo da demisión do seu irmán e alcalde durante 40 anos, Leopoldo Rubido. O ‘pobo precioso’ precisa ser ‘humanizado’,madía-leva. Vaites ti o que entenden por ‘humanizar’ quen teimaron décadas en presentar con retórica baleira, unha vila realmente inexistente e ficticia en termos de calidade de vida. As que teiman en seguir chamando ‘avenidas’ disque agora precisan ser repensadas para os viandantes, para as persoas.
A Deputación popular, que xa está en campaña europea,vén de achegar 108.000 euros do POS 2013. Esperemos que logo de arranxar a Praza do Peixe ,a praza de Galicia, a rúa Rosalía a da Marina e Arriba da Ponte comecem a arranxar as ruelas que máis precisan ver redefinido o tránsito de veículos e alargado o espazo para as persoas: no Floreal e na Área terian onde escoller.
Ao mellor tamén che interesa:
1812 vivendas baleiras. Cedeira, terra do tixolo
Conflito de intereses e urbanismo. A propósito dun caso
