Anainar crianzas é abrazar o latexo da vida nova que agroma, ao xeito universal do amor das palabras que borboriñan tecendo vincallos de afectos, querencia e respeito. O modélico Servizo de Normalización Lingüística do Concello de Carballo colabora dende hai tres anos cos músicos Xabier Díaz e Guillerme Fernández nun obradoiro de cancións de berce. Cando as palabras arrolan sentímos ben, sentímonos na casa, no colo máis querido e doce. Normalizar con anainas é unha iniciativa ben fermosa que atende ao que hai que atender, achegando o mellor que temos para quen máis queremos, a prosodia que nos une dende o berce.
Vídeo gravado no Obradoiro de nanas, en novembro de 2013, organizado polo Servizo de Normalización Lingüística (SNL) do Concello de Carballo.
Canción: “A bicos”. Arrolos de Salitre, de Xabier Díaz e Guillerme Fernández, na voz de Fani Otero