16691 parados na Comarca de Ferrolterra, 554 máis que o mes anterior
880 na Comarca de Ortegal 50 máis que o mes anterior
530 en Cedeira, 16 máis que o mes anterior
O discurso triunfalista do goberno español sobre a recuperación económica topou co principio de realidade: no outono volve a subir.Si, a análise baseada nos datos dun só mes non permite analisar en profundidade. Mais na nosa comarca non fai outra cousa que subir.
A crise económica non afecta a todos por igual. No Estado, os ricos fixéronse máis ricos e os pobres máis pobres. O desemprego en Ferrolterra e Ortegal dispárase e o benestar esfarela nas mans. Segundo un informe que presentou onte a Comisión Europea, dende 2008 até 2011, no estado español a desigualdade entre clases altas e baixas aumentou case que dous puntos. Porén, na eurozona mantívose prácticamente estabel e nalgúns paises como Alemaña, a desigualdades mesmo reduciron. A saída de crise fica lonxe. A subida do paro no mes de setembro infórmanos que a crise sigue o seu curso e como xa fai sete anos que está connosco semella estaren a facer dela un legado estructural, quer dicer, o estado español ofrécelle a Ferrolterra e a Galiza, menos democracia ( coa reforma local os concellos pequenos fican baleiros de contido malia administrar os servizos de proximidade ao cidadan), privatización, centralización e beneficencia. Pérdida de capacidade productiva, menos dereitos sociais, menos soberanía, maior dependencia política.
Como din os Siniestro, e se este proceso non fose unha casualidade?; e se todo iso non fose outra cousa que neoliberalismo de matriz española en fase de expoliación? Hai décadas que o desmantelado sector naval agoniza, a pesca artesanal subsiste esfolada e esta primavera ainda os casos de Alstom e Megasa; mais tamén é visibel na cárrega impositiva que agora lle queren aplicar ás pensións do emigrantes retornados como antes abalaron as quitas das preferentes e o territorio interpretado como ben funxibel para proveito de especuladores e constructoras.
[youtube]http://youtu.be/NVOPxSvx_R0[/youtube]
Folga comarcal en Ferrol
http://youtu.be/XdmQW99RiT0