SomosCedeira esixe que se coñezan e fagan públicos os datos obtidos das análises no marco da Lei 27/2006 de acceso á información ambiental ao teren aparecido brotes de dermatite e gastroenterite. A plataforma cedeiresa reclama que se activen coa “máxima urxencia” os protocolos de mostraxe das augas durante a marea baixa – para evitar dilucións que a lei non contempla- na mesma desembocadura do rio Condomiñas dado seu impacto na saúde pública. Ademáis, acrescenta, pide que os organismos competentes (Medio Ambiente e SEPRONA) procuren a identificación de posibles verquidos ilegais e sobrantes non controlados tal e como ten informado e denunciado Gelo do Moure en Ollaparo o pasado verán ( Cedeira, máis que Villa, Porcavilla).
SomosCedeira alenta que se fagan análises das augas efluentes da EDAR e o seguimento do seu correcto funcionamento así como un estudo dos rexistros legais conforme á normativa vixente (Lei 9/2010 de Aguas de Galicia e Decreto 141/2012)
