O proxecto O Monte é noso:sachando procomún é unha iniciativa cultural formada por varios colectivos de Galiza orientada a achegar coñecemento sobre os montes veciñais en man común,é dicir, é unha wiki que arela irse definindo de xeito colaborativo e aberto. Alicérzase en conceitos centrais como procomún e os montes veciñais en mancomún e tamén achega un moi útil Glosario que permite coñecer polo miúdo o acervo conceitual que informa da realidade dos montes.
A iniciativa proxecta residencias temporais de investigación, intervención ou acción creativa nos montes através dunha convocatoria aberta para desenvolver intervencións nos montes, a través da interacción co seu entorno físico e humano. Dirixida a arquitectos, permacultores, enxeñeiros, artistas, sociólogos, biólogos, músicos, etc.
