Ir de romaxe a escoitar pop sen cargar cos trebellos electrónicos (antes cos cassettes, despois cos CD, …e hoxe cos máis levians MP3, todos eles á música o que a empanada ao guiso, sistemas portátiles) é unha proposta ben interesante que tira da hibridación popular entre festa e peregrinaxe para tornarse celebración sen santo patrón, ou se cadra si: un patrón, o pop, e unha santa, a música. Unha oferta de fin de semana con aceno ás parellas con fillos e que inclúe actividades para os miúdos, espazo de feira, gastronomía e un cartaz musical de nova e asentada caste.