O Grupo *Geoma*: Xeoloxía Mariña e Ambiental, da Universidade de Vigo, investigadores do Instituto de Investigacións Mariñas do CSIC de Vigo; do Instituto Andaluz de Ciencias da Terra da Universidad de Granada-CSIC e da Universidade de Aveiro, partirán o luns 2 de abril do porto de Vigo abordo do buque Sarmiento de Gamboa rumbo á Conca Interior de Galicia, xunto á plataforma continental da costa galega.
Segundo explica o catedrático do grupo Geoma Daniel Rey o obxetivo desta campaña científica é a “de levar a cabo unha reconstrución de alta resolución da variabilidade do tempo de transporte, procedencia, achegas sedimentarias, clima marítimo, correntes de fondo e grao de alteración a partir de mostras superficiais e testemuñas da Conca Interior de Galicia e do noiro continental asociado, calibrando os resultados de medicións directas das condicións hidrográficas e sedimentarias actuais na conca e coas descargas do río Miño”.
Estudar os cambios climáticos dos últimos 50.000 anos é o obxectivo desta campaña oceanográfica chamada Galinclimarch
Máis: