Segundo a EPA nos 12 últimos meses, o “número de activos” – en expresión do INE- descendeu en Galiza en 30.100. Segue a baixar a ocupación, cresce o número de persoas sen emprego. É especialmente significativa a “retirada de activos do mercado laboral” neste trimestre en Galiza: 17.400. A taxa de paro xa acada o 22% . No estado español a taxa de paro medra 1,14 puntos, até o 27,16%. O que esta enquisa non dí é que segundo o padrón contínuo de xaneiro Galiza perdeu 17.999 habitantes o ano 2012. O 1 de xaneiro d 2013 Galiza tiña 2.763.499 persoas censadas, un 0,6% menos que o ano anterior. Arrepiante.
Arrepían dos dados dun país envellecido e onde a emigración segue a desangrar o máis vizoso de noso, a xente nova. Cando algúen dí que non tén traballo, está a dicir que non ocupa un lugar de traballo no que algúen lle pague un salario, lle pague a seguranza social e lle reteña e ingrese a parte do imposto da renda que lle toca. Iso non quer dicir que esa persoa non traballe, que non cholle aquí e acolá, percibindo uns cartos por facelo ou non…de terceiros ou da familia…senón non se entende a calma chicha da rúa.
Os burócratas españois e europeus teiman en dicir que a cifras de desemprego son datos inaceptabeis , cando a súa obsesión polo déficit é a responsabel. O dia que deixe de desacelerar a destrucción de emprego estaremos todos no paro.
Eu xa case, despídennos a tod@s os que quedabamos nestes dias, estamos negociando o remate. Agora é cando mais me lembro dalgunh@s compañeir@s de traballo cando oegaban brinquiños de regusto cando gañou feijóo as eleccións. Agora tod@s fodidos