O Diario de Ferrol informa que o Concello de Cedeira teima na “absorción” de áridos do fondo da ría para entullar a encosta da praia obviando así calquera evidencia científica tal e como mostrou nestas páxinas o biólogo Antón P.Cribeiro.
Non estamos no ano 2000 e algo deberíamos ter aprendido. A dificultade de atallar unha problematica con tantas variables debería facer reflexionar aos responsables públicos se máis alá de ter ou non “ un coste excesivo” a actuación “barata” ben podería ser contraproducente e mesmo acelerar os efectos adversos. De qué serviron todos estes anos? Resulta evidente que non están pola labor de comezar a xestionar de vez un problema que está para ficar connosco. Sendo así, resulta inaudito que se hai un proxecto que non ten todas as garantías mália o seu costo (2 millóns de euros) estén a crear a expectativa de ser definitivo cando hai organismos internacionais que afirman que dado o carácter dinámico das praias non hai solucións definitivas.
Valoráronse as consecuencias biolóxicas de entullar con area de canteira? E o valor estético e paisaxístico? A area fina da Magdalena non é para vostedes un valor a protexer? Se agora lles urxe e queren facelo antes da temporada de verán é de supor que a Demarcación de Costas cumpriu con todos os requisitos: cando pensar facer público o estudo de impacto ambiental? Pensan actuar á marxe da Lei de Costas?
Sería viabel en termos ecolóxicos o trasvase de áridos do “bolo do medio” de Esteiro ou un simple e costoso parche? Sendo un problema complexo, por qué non actuan de xeito coordinado goberno e máis oposición? Exploráronse todas as alternativas e o realizado noutros lugares? É mesmo desasosegante que Vergara óbvie a necesidade de ter estudos previos de impacto e o seu somentimento público a información e alegación. Mais resulta canto menos que abraiante que se propoña area de canteira que é como estragar a praia para sempre . Preocupante.
Para saber máis:
Praia da Magdalena:pensar amodo, actuar axiña[2]
Unha historia natural da ría de Cedeira [1] Pasado
Autocaravanas, máis presión para a praia
Situación da praia da Magdalena