Coa Thatcher comezou a deriva neoliberal e conservadora que estamos a padecer. Lémbrome especialmente da pancada sobre o sindicato dos mineiros e o desmantelamento do sistema nacional de saúde (NHS) e non tanto da guerra das Malvinas. A eliminación do vaso de leite das escolas simbolizou a supresión de toda forma de intervención pública. A miúdo esquecemos que foi expulsada do poder polo seu próprio partido, aproveitando que ía nunha cimeira europea. Recorda o historiador Josep Fontana que Jimmy Carter dicía dela que era incapaz de admitir que había cousas que ignoraba. Como Reagan, desapareceu da encenación política cando a enxurrada conservadora xa estaba encamiñada, até hoxe. Non se entendían, mais ambos e dous serviron á virada conservadora e á queda da Unión Soviética. Co laborismo e a “terceira via” (third way) tamén non mudou nada. Os cortes en servizos públicos e o desemprego comezaron daquela- os británicos sábeno ben. Non sei que opinaría do negociador Cameron, imaxino que demasiado mol para o “ferro”.