13 militantes de Anova Ferrol non participan na elección da coordenadora local de Anova en Ferrol e presentan un comunicado de impugnación contra a constitución da Asemblea Local. Este grupo de afiliados da organización de Beiras veñen de expresar no seu blog (http://anovaferrol.wordpress.com) que “non desisten de conseguir que Anova, sexa unha organización diferente, fresca, horizontal e territorial. Onde haxa democracia, participación e transparencia”. No comunicado personalizan no secretario de Organización, Luis Eyré, a utilización dun censo non coñecido por parte dos afiliados durante a reunión constitutiva da Asemblea Local de Ferrol. Esta parte da afiliación crítica co proceso a seguir afima que “moitas das persoas que participaban na asemblea eran descoñecidas, nunca o fixeran en anteriores, e tampouco poderiamos sinalalas como participantes en mobilizacións ou nos movementos sociais mais activos da comarca. Aínda así, parecían obedecer a unha consigna clara, non opinar, non entrar ao debate e votar canto antes. Mesmo unha delas berrou: aquí vimos a votar”.