O 2 de febreiro celebrouse o dia “Día Mundial dos Humidais” e a Xunta declarou 9 lagoas como “zonas sensibles” dentro do Plano Hidrolóxico Galiza-Costa.
A foto da Frouxeira,tirada por Adega, é elocuente. Mália a invernía o humidal está sen auga. Alterados os ciclos hidrolóxicos, asistimos á permanente ameaza da súa extinción por mor da sobreexplotación e a drenaxe sen criterios medioambientais que o xustifiquen.
É a propia administración quen está a vulnerar a as figuras de protección medioambiental (LIC, ZEPA, ZEPVN, e Ramsar). A Dirección Xeral de Conservación da Natureza vén de abrir unha canle de desaugue con maquinaria pesada por onde desaba, á marxe da lei, o que están a convertir nunha piscina estacional, é dicir, desecala en pleno inverno. Marabillados!
Aquí o que manda agora son as necesidades daqueles que no seu dia especulando e ocupando a Lagoa agora se sinten prexudicados por esta. A autocrítica e a honestidade é algo que só se lle esixe aos que gustan máis de chamarlle Galiza á súa terra.