Rajoy defronta a segunda folga xeral en oito meses, desta vez coincidindo por primeira vez cunha xornada de loita europea. Hai razóns para a greve perante a incapacidade de fornecer argumentos de equidade nas políticas anti-crise.
Rajoy defronta a segunda folga xeral en oito meses, desta vez coincidindo por primeira vez cunha xornada de loita europea.
Avanzamos xa que a xornada terá máis éxito na rúa que no posto de traballo; será masiva nas rúas e prazas e irregular o impacto alí onde se gaña o xornal.
Mais cómpre reflexionar. Galiza ollarase no espello. Así é o noso país: cabreo e indiferenza, xenreira e irritación, indignación, libertè, egalitè e fraternitè e moito medo. O medo vén de que se acadou certo benestar individual e pouco proxecto colectivo. Daí a vulnerabilidade fronte aos discursos apocalípticos. Quen teme, trabúcase de responsable, confúndese de adversario; quen acredita nos burócratas e gurús dos grandes desastres tende ao reaxir apoucado fronte ao discurso da austeridade. Despóis, gaña quen gaña.
Hai cidadanía?
O resultado é desastroso: erosión do modelo social europeo, desafiuzamentos, recortes sociais, degradación institucional, mimetismo ideolóxico e estratéxico, moito medo e pouca política.
Plano e Mobilizacións do 14N
– Vigo: ás 11:30 horas, desde a Praza de España, até a Praza de América.
– Pontevedra: ás 12:30 h, desde a Praza da Ferrería, até a Subdelegación do Goberno.
– Vilagarcía: ás 12:00 horas, desde a Casa do Mar até a Praza Ravella
– Ourense: ás 12:00 horas, desde o Pavillón dos Remedios até a Subdelegación do Goberno.
– Compostela: ás 12:00 h, desde a Praza Roxa até a Praza de Praterías.
– Lugo: ás 12:00 horas, desde a Casa Sindical, na Ronda da Muralla, até a Praza de Santa María.
– A Coruña: ás 12:00 horas, desde a Praza da Palloza até a Praza de María Pita.
– Ferrol: ás 12:00 horas, desde a Praza do Inferniño até a Praza de Armas.
– Burela: ás 12:00 horas, desde a Estación de Servizo Vista Alegre, até a Praza do Concello
– Ribeira: ás 12:00 horas, desde a Estación de Autobuses até a Praza do Concello.
– Monforte: ás 19:30 horas, desde a Praza de España até a Praza da Estación
Fontes: CIG http://folgaxeral.galizacig.com/
