Os operarios de Navantia queimaron simbólicamenteos Orzamentos Xerais do Estado para 2013, nos que non hai consignación para a o dique flotante nen a sexta fragata.
A Confederación Intersindical Galega (CIG) mobiliza centos de persoas nas rúas galegas sob o lema: “Paremos o PP! Non ao saqueo do pobo. Existen alternativas. Rescatemos os nosos dereitos”.
O dia 8, segunda feira, serán CCOO e UGT os que convoquen a cidadanía para “denunciar os recortes sociais” baixo o lema: “Hai que impedilo!Mobilízate!”
No entanto, o Sindicato Labrego Galego, Unións Agrarias, Xóvenes Agricultores e Fruga veñen de convocar unha mobilización en Compostela na que pedirán unha solución “inmediata” ao sector lácteo ante a “gravidade” da situación económica (o leite galego ten o prezo máis baixo da UE, 27-28 céntimos o litro, á vez que os custos de produción mantéñense arredor dos 36).
O dia 11 a Liga Estudantil, Comités e Agir,convocaron mobilización a xornada do Día Internacional de Loita Estudantil para “protestar contra as reformas e recortes levados a cabo nos últimos meses na educación” e “reivindicar a soberanía dos pobos”.
Plataforma Galega en Defensa dos Servizos Públicos –formada por máis de vinte organizacións sindicais do sector público-, anunciaron convocatoria de manifestación nas sete cidades o para vindeiro día 15 ás 19 horas.
