Publicado no decenario “La Antorcha”, Cedeira 15 de xullo de 1930
|
Amigo Xan do Mascoto, patrón de lancha Pesqueira que de xente volanteira anda cheo astro pescozo.
Que sempre fuce bon mozo estou cheo de sabelo gran pescador de xurelo panchos, corbelos e congrio.
Moi valente mariñeiro con baixa de mar desfeita pescar de fondo te vexa entro Meixón e o Sarnoso.
E se che parece pouco comendo unha caldeirada encima da Cuncagada cando rompa o Mar do Coxo.
Non sabes cante me tarda tomar terraxe contigo para que seipas meu amigo que son home de palabra.
E se non podes montar os Gallos da Candieira coa miña lancha lixeira eu tirei remolquear.
|
Pois son un lobo por mar son atrevido sen tasa moi conocido na casa astras horas de xantar.
Conozo tódalas marcas das Sisargas a Viveiro son o patrón tarrafeiro máis nombrado na comarca.
Á luz do Faro da Estaca esta carta che escribín se ti me queres a min contéstame sen tardanza.
E dalle abrazo sen falta o Punxallo, o Badexeiro, Vermeu de Foa e Terreiro Petón e Pedra da Plata e demais xente da casa que por min che preguntase se non quere arrechegarse dalles abrazos sen tasa.
No sobre da túa carta ponlle de for e de terra Cabalo Xoan Pedra Mea Ortegal Cabo da Estaca.
|
