Os oponentes ao máis grande proxecto hidroeléctrico do mundo – o encoro de Belo Monte no Brasil – veñen de gañar unha batalla, cando un tribunal federal de apelacións ordenou que a construción sexa adiada até que os grupos indíxenas sexan debidamente consultados sobre o proxecto.
O proxecto – inicialmente concibido durante os anos de ditadura no Brasil – debería pasar por unha extensa avaliación de impacto ambiental antes do inicio da construción, se ben os xuíces do tribunal rexional do Brasil Federal sinalan que o Congreso actuou ilegalmente ao autorizar o encoro sen a debida consulta cos grupos indíxenas que poden ser afectados.
The Guardian informa que o xuízo do martes pode revelarse coma unha suspensión temporal, mais é visto como un veredicto contundente sobre os esforzos do goberno para acelerar a fronte co proxecto do Río Xingu na Amazonía, que – malia a controversia – é un dos piares dos esforzos do Brasil para reducir a dependencia de combustibles fósiles. Tamén é un revés para os desenvolvedores, liderados pola Eletrobrás, que agora deberá denfrontar atrasos multimillonarios ou multas diarias de até R $ 500.000 (£ 166,00) se non cumpre a orde xudicial