Na clandestinidade do camarote,
oculto tras cómplice cortina
Desentraño en tintadas grafías
Segredos pensamentos de pescador
Nesta Soedade salgada
Medroume a barba do saber
E soñei ser… o continuo discorrer da auga
da fonde das penas, na Praia do Merlo.
Ou a fosforescencia das estelas das touliñas
en noites de augas ardentes.
Máis naveguei perdido
por mares de meteorolóxicos misterios,
sufrín os avatares do tempo
percibín entre a néboa voces
de náufragos lamentos
So, triste, desalentado
Deixeime abater polos ventos
Chorei as bágoas dos humildes
Sentín a dor mutilados,
Devalei no meditabundo océano
Ate adorar a paz dos afogados.
Hoxe este ancián mar
Por veces calmo, outras depresivo
Paseniñamente apaga en min
O xeneroso fervor que me trouxo a el
Nada me fai xa esquecer
O desexo do regreso
Fernando Igrexas Bouza (Gran Sol 10/01/2002)
Violeta de Ouro dos Xogos Florais de Cedeira 2002