Gustaríame moito ter
unha galiña choca,
que puxese os ovos na tixola,
e subir unha montaña
tan grande como o Everest
pero facelo sen luz e andando do revés.
Levantarme polas noites
sería todo un pracer,
e quedarme sin as mans
para poder comer cos pés.
Oir falar a unha miñoca
e ver voar un ciprés,
que deran leite as arañas
para se voltar en muller.
Andar de pé polas augas
como Cristo algunha vez,
xogar ás cartas co Papa,
Mariano e un “boi francés”.
Pelexarme cun león
amarralle o rabo a un tren,
e darlle na boca un bico
para poder casar con él.
Ter as orellas tan grandes
para así oír moi ben
e poderlles dar a volta
para que me tapasen ben.
Sacarlle unha foto a “Rouco”
cando fora devolver
a lona dunha queimada
e que lle durase un mes,
cando se puxese ben
que voltase a recaer
e así sucesivamente
ata desaparecer.
