O parto do portal web do concello de Cedeira vai ser delongado, non sabemos se tamén doloroso. A demorada espera da nova plataforma web pagou a pena ainda que o gaño é máis evidente no contido fotográfico e multimedia (salientando as imaxes de Willy) que na interacción administrativa co usario final. O que a miúdo se chama “administración electrónica” sen selo, reduce a oferta de servizos que lle son próprios á posibilidade de descarregar para imprimir formularios en formato pdf. Portanto, dende o punto de vista da súa funcionalidade cómpre destacar a falta de interactividade cos cidadáns, a falta dun bon sistema de recuperación e difusión da páxina (a cuxa divulgación estamos a contribuir dende Olláparo), a inexistencia de linguaxes de autodescrición estándares, e a falta dun módulo de pesquisa.
O portal está dividido en dúas webs principais:
1.Concello (recolle a información própria da administración local) http://www.viladecedeira.es/cedeiragal/
2.Vila e Terra de Cedeira http://www.viladecedeira.es (co limiar multimedia Cedeira unha terra máxica)
Esta división, ainda que non está nídiamente diferenciada, é intuitivamente axeitada xa que a miúdo se ignora que os destinatarios principais son os cidadáns (e non os turistas) tendendo a crear productos mormente turísticos que non exploran as posibilidades informativas. Neste sentido, sería un punto a millorar que a denominación e o enderezo http://www ficaran ben diferenciados xa que afectan á navegabilidade, ao que hoxe se chama usabilidade.
Por outra banda, a panóptica presenza do Alcalde chega a ser abafante xa que aparece en todas e cada unha das páxinas que o usuario visita dentro da web Vila e Terra de Cedeira:
“A VILA E TERRA DE CEDEIRA” é un lugar rico en contrastes e matices que a fan atractiva e única. A través deste sitio web, queremos mostrar a realidade dun pobo que, con gran amor e xuntos, imos tratar de mellorar para o goce de veciños e visitantes.”
D. Leopoldo Rubido Ramonde Alcalde
Este texto aparece no cabezallo do web co tratamento de logo, quer dicir, de marca, sendo como é oportunismo do Sr.Rubido para facer autopropaganda no web que se supón turístico. Non se podía ter variado? Non había nada mellor?
Sería desexabel que os denominados “Lugares de interés Turístico” se forneceran de contido descritivo de calidade, e que nas citacións apareza a fonte e o autor (metadatos).Citamos:
- Casa do Concello
- Igrexa de Santa Maria do mar
- Capela de San Antonio de Corveiro
- Castelo da Concepción. Fortín del S.XVIII
- Estatua xacente de Alonso de Piñeyro (S. XV)
Ao fin, achegamos algunhas propostas que poderían ter en conta os responsabeis de usabilidade e de contido:
- Acrescentar a fiestra única , conxuntamente con outras administracións comarcais e nacionais ( Punto info. Catastral, Perfil do Contratante)
- Transparencia: a máis da interpretación do PXOM, cando vai poder descarregar o veciño/a de Cedeira os orzamentos municipais?
- Crear democracia dende a interacción real cos cidadáns, convidándoos a participar activamente. As redes sociais non deben substituir a interacción directa coa administración
- Revisar e corrixir as versións nos dous idiomas, apréciase unha excesivo automatismo entre as dúas (na versión galega: hondonada, caserío, municipales, direccións de interese, Fortín del.. etc) e fornecer versión inglesa,francesa, euscara e catalana.
- Desenvolver contidos de calidade verbo do patrimonio
- Destinar recursos humáns que xa se teñen en nómina máis alá do informático para actualitzar os contidos evitando o pior servizo posibel: datos obsoletos.
- Non limitar o estilo literario ao do Sr.Alcalde
É necesario dicir a xeito de corolário que a cantidade de información debe ir acompañada mádialeva de calidade informativa da que se poidan beneficiar os que deben ser os primeiros millorados do web, os cidadáns.
É de agradecer que o sítio web se desenvolva com um gerenciador de conteúdos livre, baseado na licença GNU GPL, como é Joomla.
O primeiro que resulta estranho que a web não tenha um motor de procuras, havendo módulos de Joomla que implementam esta função.
A verdade é que a estrutura é algo laida. Como solução poderiam registrar um domínio para cada parte: a institucional e a de promoção turística. O preço não é elevado e haveria que ver a disponibilidade de nomes. Podem-se usar também subdomínios do estilo “turismo.viladecedeira.es”. Neste aspeito a formação do webmaster é um fator primordial. Ele deve saber qual é a estrutura ótima para conseguir um melhor desempenho e posicionamento da web.
Tenho as minhas dudas de que se deram um mínimo de premissas para desenvolver o sítio web com sentidinho. Como mínimo, para implementar todas estas propostas das que falais, primeiro é necessário formar um pequeno grupo de trabalho, para fazer uma consulta e ver que é o que a gente quer para o sítio web e uma pesquisa para ver o que oferecem outros Concelhos e copiar o melhor de cada um. Logo, comunicar-lhe com claridade ao webmaster o que se quer e revisar com ele as dificuldades que se vaiam atopando. Feedback, community management e todas essas palavras bonitas em inglês.
No referente à qualidade das revisões linguísticas, resulta evidente que os conteúdos são introduzidos em castelhano, logo replicados e traduzidos a galego. Com isto aparecem incorreções e palavras sem traduzir. E não só os conteúdos, os modelos (templates) de Joomla também têm erros na tradução ao galego.
A estrutura de diretórios da web evidência também a anteposição do castelhano. O diretório da web em castelhano é simplesmente “/cedeira” e em galego é “/cedeiragal”. O galego como apêndice. Para mim é manifesta a consideração do galego como idioma secundário nesta web.
A proposta de introduzir mais idiomas para os conteúdos dinâmicos é complicada desde o ponto de vista do webmaster. Quantos mais idiomas, mais revisões. O trabalho de tradutores profissionais seria necessário neste caso. Porém, para conteúdos que requiram menos revisões, poderíamos ter mais idiomas sem dificultar especialmente o labor do webmaster.
Assim, para mim, uma boa opção seria ter um sítio de promoção turística em vários idiomas e um sítio institucional em galego e castelhano.
Outra cousa que me interessaria saber é quanto se gastou na nova web e qual é o montante que se destinará anualmente ao seu mantimento. Já tenho visto autênticas animaladas orçamentárias para pequenas webs doutros Concelhos. Muitas vezes, por esses quartos, pode-se ter a uma ou incluso mais pessoas contratadas o ano inteiro.
Eu creo e isto non é novo, que máis non se pode pedir, ao meu entender, o que penso é que hai que facer unha web a marxe da do concello, que represente, todo o que dende o concello se obvia, con fotografías, reclamos turísticos, puntos de interese, correcta utilización da toponimia e do Galego e como non con sentido e sensibilidade para aglutinar todo o que pode ser interesante para nos e para os que nos visitan.
Si, iso foi o que nos pareceu a nós
A estructuración da web non é moi intuitiva, pois as dúas páxinas principais teñen casi a mesma dirección:
http://www.viladecedeira.es/cedeiragl/
http://www.viladecedeira.es/cedeiragal/